Ինդոնեզիայի իշխանությունները ստուգումներ են անցկացրել, որպեսզի կանխեն Սուրբ Վալենտինի օրվա տոնակատարությունները: Մուսուլմանական երկրում Բոլոր սիրահարների տոնն ընդունելի չէ, քանի որ համարվում է, որ այն կարող է նպաստել պատահական սեքսին եւ Արեւմուտքի կործանարար ներգործությունն է:
AFP հաղորդմամբ՝ մոտ 100 ուսանողներ մեծությամբ երկրորդ քաղաքում՝ Սուրաբայում, բողոքի ակցիան են անցկացրել ծաղիկների եւ կոնֆետների տեսքով նվերների դեմ:
«Ասա ոչ Վալենտինին հիմա»,-աղաղակել են մասնակիցները, որոնցից մեծ մասը հիջաբներով դեռահասներ են եղել:
Դպրոցներից մեկի տնօրենը զգուշացրել է, որ զույգերը, որոնք միմյանց շոկոլադ եւ այլ քաղցրավենիքներ են նվիրում, կարող են մեղք գործել:
«Մենք ցանկանում ենք հիշեցնել մեր երիտասարդ սերնդին, որ չի կարելի տարվել արեւմտյան մշակույթով», - AFP-ին ասել է նա:
Աչեխ պահպանողական նահանգում՝ Ինդոնեզիայի միակ շրջանում, որտեղ գործում է շարիաթի օրենքը, Սուրբ Վալենտինի օրը կրոնական նորմերի պատճառաբանությամբ նոր արգելք է սահմանվել: