Շատ բան նրանից, ինչ խոստացվել էր, չի կատարվել։ Այս մասին փետրվարի 14-ին լրագրողների հետ հանդիպմանը հայտարարել է «Ազգային ինքնորոշման միավորում» կուսակցության առաջնորդ Պարույր Հայրիկյանը։
«Մայիս-հունիսին կառավարությունն իր ծրագրում ներառել էր Ընտրական օրենսգրքի բարեփոխումները, որոնց համաձայն պիտի վերացվեր վարկանշային համակարգը, սակայն դա տեղի չունեցավ։ Բացի այդ, նրանք հայտարարում էին ԵՏՄ-ից դուրս գալու անհրաժեշտության մասին, ուր Հայաստանը մտել էր Սերժ Սարգսյանի կառավարման տարիներին, սակայն իշխանության գալուց հետո նրանք հրաժարվել են այդ գաղափարից»,- ասել է Հայրիկյանը։ Նա ընդգծել է, որ պետք է կատարել այն, ինչ մի ժամանակ պահանջում էիր իշխանություններից։
«Ոչ մի հեղափոխական կառավարություն չի ասում այն մասին, որ իրավիճակը փոխվել է, այդ պատճառով ես վերանայում եմ իմ խոստումները։ Նիկոլ Փաշինյանը չի փոխում իրավիճակը, այլ ուղղակի հարմարվում է ստեղծված իրավիճակին»,- ամփոփել է Հայրիկյանը։
