Չադում ընձառյուծը ներխուժել է նախակրթարան, տուժել են չորս երեխա եւ ուսուցիչը, տեղեկացնում է AFP-ն։
Հինգ մարդ վնասվածքներ է ստացել, երբ ընձառյուծը առավոտյան 7.00-ին մտել է գնդապետի տուն։
Հետո նա մտել է դպրոց եւ հարձակվել երեխաների վրա։ Արդյունքում՝ գիշատչին կրակել են անվտանգության ուժերի աշխատակիցները, երբ նա մոտեցել է ռազմակայանին։
Պարզվել է, որ ընձառյուծը «ընտանի կենդանի» էր եւ պատկանում էր զինվորական պաշտոնյայի։
Ըստ Բնության պահպանության միջազգային միության՝ ընձառյուծները «խոցելի» տեսակ են համարվում։ Վայրի բնության պահպանության Panthera խումբն ասում է, որ վերջին տարիներին ընձառյուծների թիվն Աֆրիկայում պակասել է 40 տոկոսով։ Նրանց ճիշտ թվաքանակն աշխարհում հայտնի չէ։