Քրեական գործեր են հարուցված ՋՕ ընկերություններում, քանի որ գյուղացիներից վերցրել են ջրի հարկեր եւ դրանք չեն ներկայացրել պետական բյուջե: Այսօր՝ փետրվարի 15-ին, այս մասին ասաց Պետական վերահսկողական ծառայության պետ Դավիթ Սանասարյանը:
Նա փոխանցեց, որ իրենց աշխատակիցները գյուղ առ գյուղ, տուն առ տուն գյուղացիների հետ հանդիպում են, բացատրականներ, վկայություններ են վերցնում. «Ես կարծում եմ, որ այս ամենի արդյունքում մենք գնալու ենք այս համակարգն առողջացնելու ճանապարհով: Այս տարի խնդիր ենք դրել, որ ջրային ոլորտը կարգավորելու ենք եւ դա մենք անելու ենք, որեւիցե խոչընդոտ չենք ունենալու»,-ասաց նա: