News
Լրահոս
News
Հինգշաբթի
Մայիս 19
USD
459.4
EUR
484.07
RUB
7.4
Տեսնել լրահոսը


Կառավարության այսօրվա՝ փետրվարի 15-ի նիստում վարչապետի առաջարկով հանվեց «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» ՀՀ օրենքում փոփոխություն կատարելու մասին» ՀՀ օրենքի նախագիծը:

Նախագիծը ներկայացրեց ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը՝ նշելով, որ ՀՀ պետական կառավարման շահագրգիռ մարմինների եւ «Ղեկը աջ» նախաձեռնության անդամների հետ շարունակվող քննարկումների արդյունքում մշակվել է «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» Հայաստանի Հանրապետության օրենքում փոփոխություն կատարելու մասին» ՀՀ օրենքի նախագիծը:

«Նախագծի ընդունման դեպքում հնարավորություն կընձեռնվի ՀՀ մաքսային տարածքներում տեղակայված աջակողմյան ղեկային տեղաբաշխմամբ տրանսպորտային միջոցները, ինչպես նաեւ այն աջակողմյան ղեկային տեղաբաշխմամբ տրանսպորտային միջոցները, որոնց ձեռք բերման համար վճարումները կատարվել են մինչեւ 2018 թվականի դեկտեմբերի 30-ը, ՀՀ տարածք ներմուծել մինչեւ 2019 թվականի ապրիլի 1-ը», - ասաց նա։

Հակոբ Արշակյանը նշեց, որ եկել են տեղային լուծման, քանի որ հստակ չգիտեին, թե որքան տնտեսվարող սուբյեկտների է վերաբերում եւ ներկայումս ստացվեց, որ խոսքը 830 մեքենայի մասին է:

Վարչապետը նշեց, որ Այրումում պայմանավորվածությունը հետեւյալն է եղել նախաձեռնող խմբի կողմից, որ խոսքն այն մեքենաներին պետք է վերաբերի, որ այն օրվա դրությամբ գտնվել են մաքսային գոտում:

Հակոբ Արշակյանը նշեց, որ քանի որ չափելիությունը հստակ չեն կարող իրականացնել, այդ պատճառով գնման ժամկետի վրա են սահմանափակում իրականացրել:

Վարչապետը չհամաձայնեց սրա հետ. «Հիմա լղոզված ձեւակերպումներով տալով՝ մենք հարցը ոչ թե լուծում ենք, այլ հակառակը: Եղել է պայմանավորվություն, որ VIN կոդերով գնված մեքենաների հարցը լուծում ենք եւ այդ հարցերին չենք անդրադառնալու: Ես համաձայն չեմ, որ մի բան պայմանավորվենք եւ այլ բան անենք։ Խոսքը այն մեքենաներին պետք է վերաբերի, որոնք գտնվում են մաքսայինում», - ասաց նա եւ շեշտեց, որ կա պայմանավորվածությունների ձայնագրությունը:

Հակոբ Արշակյանը նշեց, որ կվերամշակեն նախագիծը եւ խոսքը, այսպիսով` կստացվի, որ մոտ 450 մեքենայի մասին է խոսքը:

Այսպիսով` հարցը հանվեց եւ վարչապետը նշեց, որ եթե այսպես շարունակվի, ապա աջակողմյան ղեկով մեքենաները կգերազանցեն ձախակողմյան ղեկով մեքենաների քանակին եւ պետությունը ստիպված կլինի երթեւեկության կանոնների ամբողջ համակարգը փոխել, որը միլիարդների ծախս կլինի բյուջեի համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայրը որդու համար ստեղծել է իր Ford Mustang Shelby GT500-ի փոքր տարբերակը
Սակայն իրական մեքենայի հետ առավելագույն նմանություն ստանալու համար այն թյունինգի են ենթարկել:
1950-ականների Chevrolet-ի ոճով Cadillac ռոդսթերը աճուրդի է հանվել Barrett-Jackson աճուրդի տանը
Թափքի առջեւի հատվածը պատրաստված է 1957 թվականի մոդելի ոճով, կողային պատերը՝ 1958 թվականի մոդելի ոգով, իսկ հետեւի մասը նմանակում է 1959 թվականի Chevrolet-ին․․․
Toyota-ն զգուշացրել է շահույթի 20 տոկոս անկման մասին՝ կապված նյութերի եւ լոգիստիկայի ծախսերի հետ
Tesla Inc-ը մոտ 130 000 ավտոմեքենա է հետ կանչում
Հետկանչը վերաբերում է 2021 եւ 2022 թվականների Tesla S եւ X մոդելներին, ինչպես նաեւ 2022 թվականի Model 3-ին եւ Model Y-ին․․․
Իտալիայում տրանսֆորմեր-մոտոցիկլետ են ստեղծել
Իրենց առաջնեկի ստեղծման հարցում առանցքային գաղափարը մասնագետներն այսպես են ձեւակերպել. «հեռացնել բոլոր անպետք մասերը եւ առավելագույնս մոտենալ կատարյալին»:
Չինական ընկերությունը հայտարարել է Tesla Cybertruck-ի «մրցակից» էլեկտրամեքենայի թողարկման մասին
Ընկերության հաղորդագրության մեջ ասվում է, որ ավտոմեքենաների թողարկումից բացի ընկերությունը վերալիցքավորման կայաններ է ստեղծելու եւ մարտկոցներ է արտադրելու դրանց համար: