Սլովենիայի խորհրդարանի անդամ Դարիյ Կրայչիչը խանութից սենդվիչ գողանալու մասին խոստովանելուց հետո հրաժարական է տվել: Նրա քաղաքական կուսակցությունն այդ որոշումը համարել է միակ հնարավորը, իսկ արարքն՝ աթույլատրելի, գրում է Tjournal-ը:
Գյուղատնտեսության խորհրդարանական հանձնաժողովի նիստի ժամանակ նա հայտարարել է, որ խանութից սենդվիչ է գողացել, քանի որ նրան ուշադրություն չէին դարձնում:
Նա ներողութւուն է խնդրել իր արարքի համար եւ ասել, որ ցավում է այդ «սոցիալական փորձի» համար:
«Ես կանգնած էի դրամարկղի մոտ, խանութի երեք աշխատակցիները պարզապես խոսում էին իրար հետ: Ես սպասեցի 3 րոպե, իսկ հետո որոշեցի ստուգել նրանց անվտանգության համակարգը: Ես կյնաքում առաջին անգամ գողություն արեցի: Եվ ինձ մոտ ստացվեց: Ոչ ոք չեկավ իմ հետեւից, չնայած նրան, որ այստեղ ամենուր տեսահսկող սարքեր են», - նշել է նա:
Կրայչիչը պատգամավոր է դարձել 2018 թվականի սեպտեմբերին եւ ԵՄ հարցերով կոմիտեի նախագահի պաշտոն է զբաղեցրել:
