ԵՄ դիվանագիտության ղեկավար Ֆեդերիկա Մոգերինին եւ ԱՄՆ պետքարտուղար Մայք Պոմպեոն քննարկել են Բրյուսելի եւ Վաշինգտոնի միջեւ անդրատլանտյան համագործակցության կարեւորությունը:
ԵՄ մամուլի ծառայությունից հայտնում են, որ կողմերը քննարկել են հարցերի լայն շրջանակ, ներառյալ Վենեսուելայում խաղաղ եւ ժողովրդավարական անցման շուրջ ընթացիկ աշխատանքը, Սիրիայում քաղաքական անցման ապահովման անհրաժեշտությունը, Աֆղանստանում խաղաղության աջակցությունը եւ Կորեական թերակղզու ապամիջուկայնացումը ԱՄՆ-Հյուսիսային Կորեա առաջիկա գագաթնաժողովի նախաշեմին:
Նրանք նաեւ քննարկել են Ուկրաինայի իրադրությունը, ինչպես նաեւ Արեւմտյան Բալկաններում ԵՄ-ԱՄՆ համագործակցությունը:
Զրուցակիցները պայմանավորվել են այս հարցերով շփումները շարունակել: