Պեկինում Չինաստանը եւ Միացյալ Նահանգները սկզբունքային համաձայնության են եկել առեւտրային բանակցություններից հետո որոշ առանցքային հարցերի շուրջ, հաղորդում է «Սինխուան»:
Աղբյուրի համաձայն՝ կողմերը քննարկել են այնպիսի թեմաներ, ինչպիսիք են տեխնոլոգիաների փոխանցումը, մտավոր սեփականության պաշտպանությունը, ոչ սակագնային խոչընդոտները, ծառայությունները, գյուղատնտեսությունը եւ առեւտրային հավասարակշռությունը: Մանրամասնորեն քննարկվել են առեւտրի եւ տնտեսական հարցերի մասին փոխըմբռնման հուշագրերը:
Ըստ Reuters-ի՝ Սպիտակ տունը հաստատել է, որ բանակցությունները կշարունակվեն հաջորդ շաբաթ Վաշինգտոնում: