Տիրանայում ալբանական ընդդիմության կողմնակիցները ճեղքել են ոստիկանական շարքը եւ փորձել ներխուժել այն շենք, որտեղ տեղակայված է վարչապետ Էդի Ռամայի գրասենյակը՝ հայտնում է Reuters-ը։
Իրավապահները ստիպված են եղել արցունքաբեր գազ կիրառել, քանի որ ընդդիմության կողմնակիցները սկսել են երկաթյա իրերով ջարդել շենքի դռները։
Ալբանիայի նախագահ Իլիր մետան նշել է, որ քաղաքացիները կարող են ազատ բողոքել, սակայն չպետք է մոռանան պետական ինստիտուտների հանդեպ հարգանքի մասին։
Հիշեցնենք, որ 2018թ․ դեկտեմբերի վերջին Ալբանիայի խորհրդարանում Էդի Ռամայի վրա ձվեր էին նետել։