Ապագայում ճանապարհորդները կկարողանան ուղեւորվել դեպի Մարս 100 000 դոլարով, հայտարարել է ամերիկացի գյուտարար եւ գործարար Իլոն Մասկը, հաղորդում է Turizm-ը՝ հղում կատարելով Yahoo Actualites-ին:
SpaceX ընկերության հիմնադիր Իլոն Մասկը կիսվել է իր կանխատեսումներով զբոսաշրջիկների համար դեպի Մարս թռիչքների գնի վերաբերյալ: Նրա խոսքերով՝ տիեզերական ճանապարհորդության համար անհրաժեշտ են հսկայական միջոցներ: Ներկայումս Կարմիր մոլորակում գաղութ ստեղծելու նպատակով 12 մարդ ուղարկելը կարժենա 10 մլրդ դոլար յուրաքանչյուրի համար: Սակայն ապագայում արժեքը զգալիորեն կնվազի: Ամերիկացի գործարարը համոզված է, որ սկզբում ուղեւորությունը դեպի Մարս կարժենա 500 000 դոլար, իսկ հեռանկարում ակնկալվում է գնիջեցում մինչեւ 100 000 դոլար:
«Եթե ամեն ինչ լավ ընթանա, կա հավանականություն, որ 10 տարի անց ուղեւորությունները դեպի Մարս կդառնան իրականություն»,-հավելել է գյուտարարը:
Որոշ փորձագետներ արդեն պատասխանել են SpaceX-ի հիմնադրին: Ընդդիմախոսները համարում են, որ տիեզերական ճանապարհորդների մեծամասնությունը կմահանա դեպի Մարս ճանապարհին, որը տեւողությունն է շուրջ մեկ տարի: Դրա պատճառը հսկայական ճառագայթումն է, որը զբոսաշրջիկները կստանան առաջին 6 ամիսների ընթացքում: