Իրանի Գլխավոր շտաբի պետ Մոհամմադ Բակերին Սաուդյան Արաբիային եւ ԱՄԷ-ին մեղադրել է իսլամական հեղափոխության պահապանների կորպուսի վրա հարձակված ահաբեկիչներին հովանավորելու մեջ: Հիշեցնենք, որ հարձակման հետեւանքով զոհվել է 27 մարդ, հաղորդում է Tasnim գործակալությանը:
«Եթե որեւէ խմբավորում թաքնվում է Պակիստանում՝ Սաուդյան Արաբիայից եւ Միացյալ Արաբական Էմիրությունների փողերը եւ նրանց զենքը ստանալով եւ ահաբեկչական հարձակումներ իրականացնելու համար երկիր մարդիկ է բերում, պետք է իմանա, որ իրանական ազգի վրեժի հուրը կոչնչացնի նրանց տոհմը», - Tasnim-ը մեջբերում է Բակերիի հայտարարությունը:
Ավելի վաղ հաղորդվել էր, որ Սիստան եւ Բելուջիստան նահանգում մահապարտ ահաբեկիչը վարելով ականապատված ավտոմեքենան՝ պայթել է Իսլամական հեղափոխության պահապանների կորպուսի ավտոբուսի կողքին: Ահաբեկչական գործողության հետեւանքով զոհվել է 27, վիրավորվել 13 մարդ: Պայթյունի պատասխանատվությունը ստանձնել է սունի «Ջեյշ ալ Ադլ» ծայրահեղական խմբավորումը:
«Ջեյշ ալ Ադլ» ծայրահեղական խմբավորումը ստեղծվել է 2012 թվականին բելուջիական սուննիների ապստամբական «Ջունդուլլահ» կազմակերպության նախկին անդամների կողմից, որը գործել է ինչպես իրանական, այնպես էլ հարեւան Պակիստանի Բելուջիստանում:
