Հայաստանը կարող է ահաբեկչական կազմակերպությունների նշանառության տակ հայտնվել: Փետրվարի 18-ին լրագրողների հետ հանդիպմանն այս մասին ասաց ռազմական փորձագետ Վան Համբարձումյանը: Նրա խոսքով՝ Սիրիա կոնտինգենտ ուղարկելը կորակվի որպես Հայաստանի կողմից աջակցություն կառավարական ուժերին:
«Մինչեւ հիմա ահաբեկչական սպառնալիքի տեսանկյունից Հայաստանի անվտանգությունն ապահովված է եղել, սակայն հիմա դա այդպես չէ: Բավական է հիշել սիրիական համակարտությունում ահաբեկչական խմբավորումների դեմ ներգրավված եվրոպական երկրներում իրականացված ահաբեկչությունները: Բացի այդ, անհասկանալի է, թե ինչպես է ապահովվելու կոնտինգենտի անվտանգությունը», - նշեց փորձագետը:
Համբարձումյանը հավելեց, որ սիրիական հակամարտության մեջ ներգրավվելու փոխարեն, ավելի լավ է լուծել սեփական սահմանների խնդիրները: «Մենք ունենք բազմաթիվ խնդիրներ: Ադրբեջանն այսօր լուրջ ինժեներական աշխատանքներ է իրականացնում, որոնք թույլ կտան նրան ունենալ ռազմավարական դիրքային առավելություն», - հավելեց նա:
