Apple ընկերությունը MacBook Pro նոթբուքերի շարքը միանգամից երկու սարքով կհամալրի։ Այս մասին, հղում կատարելով TF International Securities-ի վերլուծաբան Մինգ Չի Կուոյին, հայտնել է Macrumors.com կայքը։
Դրանց տեխնիկական առանձնահատկությունների մասին տեղեկատվությունը շատ հակիրճ է։ Առաջին լափ-թոփը ենթադրաբար կունենա այդ դասի համակարգիչների համար շատ լայն՝ 15-16,5 դյույմ անկյունագծով էկրան՝ հայտնում է РГ-ն։
Տեղեկացվում է նաեւ արդիական մոդելների դիզայնի լիակատար վերանայման եւ վերբեռնման մասին։ Մեծացված չափսերով սարքը կարող է լիովին փոխարինել սովորական տնային համակարգչին եւ հարմար լինել դիզայներների ու գեյմերների համար։
MacBook Pro-ի երկրորդ սարքի մասին տեղեկատվությունն ավելի քիչ է։ Հայտնի է, որ էկրանի անկյունագիծը 13 դյույմի է հավասար, իսկ օպերատիվ հիշողության ծավալը կազմում է ռեկորդային 32 գեգաբայթ։
Շնորհանդեսի ամսաթիվը եւ գները դեռեւս պարզ չեն, սակայն զեկույցում ասվում է, որ սարքերը կթողարկվեն 2019 թվականին։
