Ամանորյա տոնածառը «օգնել է» բացահայտել սպանությունը։ Ինչպես հայտնել է DW-ն, Գերմանիայում կնոջ ուշադրությունը գրավել է հարեւան տան ամանորյա տոնածառը։ Հետաքրքրասեր հարեւանի մոտ հարց է առաջացել, թե ինչու այն դեռեւս չեն հավաքել, եւ նա զանգել է ոստիկանություն։
Ոստիկանները մտնելով տուն՝ մառանում հայտնաբերել են տարեց կնոջ դիակ։ 76 տարեկան կինը բռնարարքի զոհ է դարձել եւ բավականին վաղուց է մահացած եղել։
Ոստիկանությունը սպանության կասկածանքով ձերբակալել է կնոջ 51-ամյա որդուն։ «Դեռեւս չի պարզվել, թե ինչն է կնոջ մահվան պատճառ դարձել։ Հետաքննությունը նոր է սկսվել»,- Mitteldeutsche Zeitung թերթին ասել է ոստիկանության մամուլի քարտուղար Անտյե Հոպենը։