Ֆրանսիական Le Monde հրատարակության լրագրողներ Սիլվի Կաուֆմանը եւ Թոմաս Վիդերն իրենց հոդվածում հայտնել են, որ Մյունխենի անվտանգության համաժողովը ցույց տվեց ԱՄՆ-ի եւ Եվրոպայի երկրների միջեւ ուժգնացող պառակտումը, հաղորդում է RT-ն:
Հոդվածի հեղինակները նշում են, որ պատվիրակությունների միջեւ փակ հանդիպումները ցուցադրեցին հարաբերությունների կտրուկ վատթարացումը եւ մի շարք կարեւոր հարցերի շուրջ տարաձայնությունները:
Մասնավորապես, լրագրողները գրում են, որ Եվրոպայում դժգոհ են եղել իրանական միջուկային գործարքից դուրս գալու ԱՄՆ-ի որոշումից եւ վերջին օրերին նորից բարձրացրել են այդ հարցը:
