Բրիտանական Քենթ կոմսության բնակչուհի Ռեյչել Քարտերը դաշտում մետաղ որոնող սարքի միջոցով գտել է ոսկյա անգլոսաքսոնական կախազարդ, որը փորձագետները բարձր են գնահատել եւ որը Ռեյչելը սկզբում շոկոլադե մեդալ էր կարծել: Նման գտածոն համեմատելի է վիճակախաղի շահումի հետ: Ռեյչելը Daily Mail-ին պատմել է, որ իր ծանոթ գանձ որոնողները 50 տարվա ընթացքում նման բան այդպես էլ չեն գտնում: Այժմ գտածոն կարող է փոխանցվել թանգարանին եւ ցուցադրվել այն գտնողի անունով, գրում է «Մոյա պլանետան»: