News
Լրահոս
News
Հինգշաբթի
Մարտ 28
Տեսնել լրահոսը

Իլհամ Ալիեւը հայերի նկատմամբ ատելությունը պետական քաղաքականության մաս է դարձրել:  Փետրվարի 19-ին ասուլիսի ժամանակ այս մասին հայտարարեց «Սովորական ցեղասպանություն» նախագծի ղեկավար Մարինա Գրիգորյանը: Հիշեցնենք, որ այսօր լրանում է Բուդապեշտում ադրբեջանցի սպա Ռամիլ Սաֆարովի կողմից իրականացված հայ սպա Գուրգեն Մարգարյանի  դաժան սպանության 15 տարին:

Գրիգորյանը դատավարությանը մասնակցել է որպես օմբուդսմենի ներկայացուցիչ, իսկ հետո որպես «Գոլոս Արմենիի» թղթակից:

 «Ալիեւը իշխանության էր եկել սպանությունից մի քանի ամիս առաջ եւ սա առաջին ուղերձն էր այն մասին, թե ինչպես  է նա պատրաստվում վարևել քաղաքականությունը: Սա խոսում էր հայերի նկատմամբ ատելությունը պետական քաղաքականության վերածելու մտադրության մասին: Ալիեւի հետագա բոլոր գործողութունները վկայում են այն մասին, որ  մտադրությունները կյանքի են կոչվում: Առաջին օրերին Սաֆարովի առաջին ցուցմունքներից հետո պարզ դարձավ, որ դա իշխանությունների պատվերն է: Սաֆարովը եւ Ադրբեջանից դասընթացների մեկ այլ մասնակից Անար Ալիեւը վկայել էին, որ սպանությունից հետո Սաֆարովն Ալիեւին ասել էր՝ կգնաս Բաքու եւ կասես, որ ես արել եմ այն, ինչ պետք է անեի, թող չանհանգստանան: Ավելի ուշ Ադրբեջանի օմբուդսմեն Էլմիրա Սուլեյմանովան հայտարարել էր, որ Ռամիլ Սաֆարովը պետք է օրինակ ծառայի ադրբեջանական երիտասարդության համար՝ այսինքն սպանի հայերի:

Այնուհետ ապրիլյան պատերազմի ժամանակ հայ զինվոր Քյարամ Սլոյանին գլխատած ադրբեջանցի զինծառայող Էլնուր Ֆերզալիեւն անձամբ Իլհամ Ալիեւի ձեռքից պարգեւ ստացավ:

Այս ամենին նախորդել էին Սումգայիթում ջարդերը եւ կոտորածները, իսկ Մարաղա գյուղում կոտորածի գլխավոր դերակատար Շաին Տագիեւը դարձավ անկախ Ադրբեջանի ազգային հերոս: Այժմ Ադրբեւանի իշխանությունները մեծ ջանքեր են գործադրում Արցախում դատապարտված իրենց հանցագործների՝ Ասկերովի եւ Գուլիեւի  վերադարձի եւ հերոսացման համար, որոնց ձեքերը շաղախված են երկու քաղաքացիական անձանց, այդ թվում 17-ամյա դեռահասի արյամբ», - ասաց Գրիգորյանը:

Նա հիշեցրեց, որ մինչեւ Իլհամ Ալիեւի իշխանության գալը Հայաստանի եւ Ադրբեջանի միջեւ քաղաքացիական հասարակության մակարդակով կային ինչ-որ շփումներ: Ալիեւ կրտսերի իշխանության գալուց հետո բոլոր շփումները դադարեցին, իսկ նրանց մասնակիցները համարյա հանցագործներ  հայտարարվեցին:

«Քանի դեռ Ադրբեջանը չի ճանաչել եւ ափսոսանք չի հայտնել կատարված հանցագործությունների կապակցությամբ, հաշտության մասին խսելը քաղաքական ցինիզմի գագաթնակետ է», - ընդգծեց Մարինա Գրիգորյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նազելի Վարդանյան. Հայաստանը պետք է հասնի ռամիլ սաֆարովին Հունգարիա վերադարձնելուն՝ պատիժը կրելու համար
ռամիլ սաֆարովը պետք է վերադարձվի Հունգարիա...
Շարժվեց մի սառույց, որը 12 տարի կանգնած էր․ Հունգարիայի հայ խորհրդարանականը բարձր գնահատեց նախագահի այցը Բուդապեշտ
Մենք պետք է շատ նրբորեն կարողանանք հետ բերել կորցրած բալանսը…
Հունգարիայի դիրքորոշումը շատ կարևոր է Հայաստան-ԵՄ հարաբերությունները խորացնելու և ընդլայնելու համար. Փոխնախարար
Ավելի քան տասնմեկ տարի չենք ունեցել բարձրաստիճան այց Հունգարիա, և այս այցով, կարելի է ասել, լիարժեք վերականգնվում են հայ-հունգարական...
Հայաստանն աշխատում է Հունգարիայի հետ ուղիղ չվերթ բացելու ուղղությամբ․ դեսպանն ամփոփում է նախագահի այցը Բուդապեշտ
Փորձեցինք այն բացը, որը 11 տարվա ընթացքում ձևավորվել է, հնարավորինս արագ լրացնել։ 2023 թվականին Հայաստան էր այցելել Հունգարիայի արտաքին գործերի...
ԱԺ հանձնաժողովում քննարկվել է Հայաստան-Հունգարիա բարեկամական խմբի ստեղծման հարցը
Նրա խոսքով՝ այն ժամանակվա նախագահ Սերժ Սարգսյանի որոշումը Բուդապեշտի հետ դիվանագիտական ․․
Հույս ունեմ՝ հնարավորինս կարճ ժամանակում կկարողանանք բաց թողնվածը լրացնել. Փաշինյանը՝ Հունգարիայի փոխվարչապետին
Վարչապետ Փաշինյանն ընդունել է Հունգարիայի փոխվարչապետ Ժոլտ Շեյմենին...
Ամենաշատ