Մահապարտ ահաբեկիչը եւ ահաբեկչական խմբի մյուս երկու անդամները, որոնք պայթեցրել են ավտոբուսը, ինչի զոհ է դարձել Իսլամական հեղափոխության պահապանների կորպուսի 27 անդամ, պակիստանցի են եղել։ Այս մասին հայտարարել է ԻՀՊԿ ցամաքային զորքերի հրամանատար, բրիգադի գեներալ Մոհամադ Փակպուրը, տեղեկացնում է Tasnim-ը։
Նա նշել է, որ միջադեպից հետո բազմաթիվ միջոցներ են ընդունվել հանցագործների անձը պարզելու համար։ Նա տեղեկացրել է, որ ահաբեկչական խմբի երկու անդամներն ու Հաֆիզ Մոհամեդ Ալի անունով մահապարտ ահաբեկիչը Պակիստանից են եղել։
Ահաբեկիչների խմբի եւս երեք անդամ եղել են Սիստան եւ Բելուջիստան շրջաններից, նրանք ձերբակալվել են։