News
Լրահոս
News
Երեքշաբթի
Մարտ 19
Տեսնել լրահոսը

Բրյուսելում ամերիկացի օրենսդիրները փորձել են հավաստիացնել եվրոպացի դաշնակիցներին, որ ԱՄՆ նախագահ Դոնալդ Թրամփի քաղաքականության  կապակցությամբ տարաձայնությունները պարզապես «ընտանեկան վեճեր» են եղել, իսկ տրանսատլանտյան կապերը ուժեղ են մնում, գրում է Reuters-ը:

ԱՄՆ-ի Ներկայացուցիչների պալատի խոսնակ Նենսի Փելոսին 50 անձից կազմված պատվիրակության այցը Եվրոպա երկարաժամկետ կապերի ապացույց է անվանել:

«Խոսքը հարգանքի մասին է», - լրագրողերին ասել է Փելոսին՝ ընդգծելով, որ այս պատվիրակությունը Մյունխենի անվտնագության համաժողով ժամանածներից ամենամեծաթիվն էր :

«Բոլոր ընտանիքներում վերելքներ եւ անկումներ են լինում», - ասել է արտաքին գործերի կոմիտեի նախագահ, կոնգրեսական Էլիոտ Էնգելը: Կոնգրեսական Գրեգորի Միքսը, խոսելով անդրատլանտյան կապերի վերաբերյալ անվստահության մասին, նկատել է. «Մենք կարող ենք վիճել, բայց այդ վեճերն ավարտվում են»:

ԵՄ-ն եւ Միացյալ նահանգները ավանդաբար ամենամտերիմ դաշնակիցներն են եղել՝ համագործակցելով նաեւ ՆԱՏՕ-ի միջոցով: Թրամփը սակայն քննադատության է ենթարկել իր եվրոպացի դաշնակիցներին պաշտպանական ոչ բավարար ծախսերի համար, ինչը Եվրոպայում շատերի մոտ կասկածներ է առաջացնում արեւմտյան ռազմական դաշինքին նրա հանձնառության եւ Եվրոպայի անվտանգության կապակցությամբ:

Բրյուսելում ելույթ ունենալով՝  Փելոսին մատնանշել է ՆԱՏՕ-ին երկկուսակցական աջակցությունն այն բանից հետո, երբ  անցյալ ամիս ԱՄՆ Ներկայացուցիչների պալատը հաստատել է օրենք, որը թույլ չի Թրամփին դուրս գալ ՆԱՏՕ-ից:

«Ես չեմ կարծում, որ ՆԱՏՕ-ի հետ մեր հարաբերություններում դեմոկրատների եւ հանրապետականների միջեւ տարբերություն կա», - ասել է  նա:

!
Այս նյութը հասանելի է նաև   English and Русский
Տպել
Ամենաշատ