Լիտվան ԱՄՆ-ից ավելի քան 20 մլն դոլարի Javelin հակատանկային շարժական համալիրների համար հրթիռներ է ձեռք բերել: ՏԱՍՍ-ը, վկայակոչելով ՊՆ-ին հաղորդում է, որ սպառազինությունը հասել է պատվիրատուին:
Հաղորդագրության համաձայն՝ տվյալ գործարքով ամերիկացի դաշնակիցները Լիտվային 5 մլն դոլարի ֆինանսական օգնություն են տրամադրել:
«ԱՄՆ-ից գնվող Javelin հակատանկային համակարգը զգալիորեն բարձրացնում է լիտվական բանակի կանխարգելիչ միջոցների հնարավորությունները», - ասել է ռազմական գերատեսչության ղեկավար Ռայմունդաս Կարոբլիսը: Գնված սպառազինության քանակը չի նշվում: