News
Լրահոս
News
Հինգշաբթի
Մարտ 28
Տեսնել լրահոսը

Հալեպի 40 նահատակների մայր տաճարում վերականգնումից հետո առաջին պատարագը տեղի կունենա մարտ-ապրիլին, փոխանցում է «ՌԻԱ Նովոստի»-ն:

Եկեղեցին 2015 թվականին պայթեցրել էին ԻՊ գրոհայինները, նրանք պայթուցիկ էին դրել հիմքի տակ փորված ստորգետնյա թունելների մեջ:

«Աշխատանքների ծավալը վիթխարի էր: Միջանցքն ամբողջությամբ ավերվել էր, ստիպված էինք այն նորից կառուցել: Մենք օգտագործել ենք պահպանված հին քարերը, դրանք հավաքել ենք եւ դրել նորովի: Սա ամենադժվարն էր: Շենքի գրեթե 70 տոկոսը ավերված էր»,- ասում է ինժեներ Գաբրիս Թամասյանը: Արդեն դրվել են տաճարի նոր դռները եւ պատուհանները, նստարաններն են բերում: Ճակատամասն ամբողջությամբ վերականգնվել է, ավարտին են մոտենում երեսապատման աշխատանքները:

40 նահատակների եկեղեցու վերականգնումը ֆինանսավորվում է Հալեպի հայ համայնքի հավատացյալների նվիրատվություններով: Առնվազն 150 հազար մարդ իր ավանդն է բերել սրբավայրի վերականգնման գործին: Նախատեսվում է տաճարում առաջին պատարագն անցկացնել մարտի վերջին-ապրիլի սկզբին:

Մինչեւ պատերազմը Հալեպում բնակվում էր մոտ քառորդ միլիոն քրիստոնյա, քաղաքում կար ոչ պակաս, քան 45 գործող եկեղեցի: Այսօրվա դրությամբ դրանց մոտ կեսն ավերված է եւ սպասում է վերականգնվելու իր հերթին: Պատերազմի ժամանակ շատ ահաբեկչական խմբավորումների գրոհայիններ այլահավատների հանդեպ ատելությամբ ամբողջ երկրում ոչնչացնում էին քրիստոնեական վանքերը, տաճարները եւ եկեղեցիները, դիակապտություն էին անում ու պղծում քրիստոնեական սրբությունները:

Անտիոքի ուղղափառ եկեղեցու եւ ամբողջ Արեւելքի պատրիարք Հովհաննես Х-ը հայտնել է Սիրիայի տարածքում ավելի քան 120 տաճարների ոչնչացման մասին: Եվ հիմա քրիստոնյաների ու մուսուլմանների համատեղ ջանքերով պետք է վերականգնվի ավերվածը եւ Սիրիային վերադարձվի հնագույն ու մեծ պատմությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հարցմանը մասնակցած հոգեւորականների երկու երրորդը կարծում է, որ Բրիտանիան այլևս քրիստոնյա երկիր չէ
64%-ից ավելին ասել է, որ երկիրը կարելի է անվանել քրիստոնյա, բայց...
Անգլիկան եկեղեցին կարող է անցնել Աստծո համար գենդերային չեզոք տերմինների
Եկեղեցին հայտնել է, որ գարնանն այդ հարցով հատուկ հանձնաժողով կստեղծի․․․
Հնդկաստանում քահանան ձերբակալվել է մոտ 100 հոգու «քրիստոնեություն ընդունելու» համար «գայթակղելու» պատճառով
Տեղի ոստիկանությունը հայտնել է, որ 43-ամյա քահանա Պաուլուս Մասիհը Սուրբ Ծննդյան նախօրեին փորձել է կրոնափոխ դարձնել մոտ 100 մարդու․․․
ԱՄԷ-ում ավելի քան 1400 տարի առաջ կառուցված քրիստոնեական վանք է հայտնաբերվել
Սա տարածաշրջանում հայտնաբերված երկրորդ վանքն է, եւս մեկը հայտնաբերվել է 1990 թվականին․․․
Քրիստոնյա Եկեղեցիները Հռոմում քննարկել են Սուրբ Զատիկը նույն օրը նշելու հարցը
Երկխոսության և խաղաղության համար աղոթքի հավաք...
Այսօր հայ առաքելական եկեղեցին նշում է Խաչվերացը
Հայաստանյայց Եկեղեցում Խաչվերացը տոնում են սեպտեմբերի 11-17-ն ընկած ժամանակահատվածում հանդիպող կիրակի օրը…
Ամենաշատ