Մայդանում գնդակոծության հինգերորդ տարելիցին նախագահ Պյոտր Պորոշենկոն հայտարարել է, թե անձամբ վիրավորներին դուրս է բերել Կիեւի Մարինյան զբոսայգուց, տեղեկացնում է «Ուկրաինական նովոստի»-ն։
Պորոշենկոյի ելույթի տեսանյութը հրապարակել է լրագրող Տատյանա Վիսոցկայան իր YouTube-ալիքում։
«Ուղիղ հինգ տարի առաջ իմ օրն սկսվեց նրանով, որ դուրս եկա Մարինյան զբոսայգի, գնում էի Գերագույն ռադա, ժամը 9.00 էր։ Տեսա Մայդանի ինքնապաշտպանության 14-րդ հարյուրյակի եղբայրակիցներիս։ Կանգ առա։ Խոսեցի։ Նրանք դիմեցին ինձ օգնության խնդրանքով, ասելով, որ իրենց վրա կրակում են։ Անցա 150 մետր։ Շատրվանի մոտ «Բերկուտի» շղթան էր, որը օդամուղ զենքով կրակում էր մարդկանց վրա... Արդեն 15 րոպե անց 11 վիրավոր կար՝ իմ աչքերի առջեւ։ Մեկուկես ժամ հետո՝ երեք զոհ, որոնց մենք փորձեցինք հասցնել Սպայի տուն»,- պատմել է Պորոշենկոն։
Նախագահն ավելացրել է, որ կհիշի այդ օրը եւ այդ րոպեներն ամբողջ կյանքում։