Ոստիկանության Դավիթաշենի բաժանմունքում օպերատիվ տեղեկություններ են ստացվել, որ փետրվարի 19-ին, ժամը 12։30-ի սահմաններում Դավիթաշեն 4-րդ թաղամասում վիճաբանություն եւ ծեծկռտուք է տեղի ունեցել 45-ամյա Գուրգեն Մ.-ի եւ մեկ այլ քաղաքացու միջեւ, ինչի հետեւանքով Գուրգեն Մ.-ն մարմնական վնասվածքներ է ստացել։
Shamshyan.com-ի փոխանցմամբ, ոստիկանները պարզել են, որ Գուրգեն Մ.-ի հետ վիճաբանել եւ նրան մարմնական վնասվածքներ է պատճառել Վահագն Չախալյանը։ Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ՝ Վ. Չախալյանին հայտնաբերելու ուղղությամբ։
Աղբյուրի տեղեկություններով՝ Գուրգեն Մ.-ն աշխատում է «Եռանավ» ՍՊԸ-ում՝ որպես փոխտնօրեն, ով զբաղվում է էլիտար շենքեր կառուցելով, իսկ Վ. Չախալյանը հանրությանը հայտնի «Կամք» նախաձեռնության համակարգողն է։