Հայաստանում անցյալ տարի գրանցվել է անասնագլխաքանակի աննախադեպ կրճատում: Փետրվարի 20-ին լրագրողների հետ հանդիպման ժամանակ այս մասին ասաց Հայաստանի Ագրարագյուղացիական միության փոխնախագահ Աշոտ Հովհաննիսյանը:
Նրա խոսքով՝ հայ անասնաբույծները բավարարում են կաթի ներքին շուկայի պահանջի միայն 60 տոկոսը, որի ծավալը կազմում է տարեկամ 1 մլն տոննա, իսկ տավարի մսի դեֆիցիտը կազմում է 10 հազար տոննա, որը փոխհատուցվում է երբեմն անորակ մսի ներմուծմամբ: «Սա հանգեցրեց տավարի մսի թանկացմանը, եւ առաջիկա 4-5 տարում չարժի սպասել գների նվազման»,- նշեց նա:
ՀԿ ներկայացուցիչը հավելեց, որ անասնագլխաքանակի կրճատման հետեւանքով հնարավոր է բնական կաթի թանկացում եւ կաթի փոշու ներմուծման ծավալների մեծացում: