ԵՄ-ը նախապես համաձայնեցրել է կես տարով Ուկրաինայի «տարածքային ամբողջականությունը խախտելու» պատճառով անհատական պատժամիջոցները երկարաձգելու որոշումը՝ ութ ազգանվամբ ընդլայնելով ցուցակը՝ կապված Սեւ ծովում տեղի ունեցած իրադարձությունների հետ, չորեքշաբթի տեղեկացրել է ՌԻԱ «Նովոստի»-ին բրյուսելյան աղբյուրը։
Մարտի կեսին լրանում է այսպես կոչված անհատական պատժամիջոցների ժամկետը, որը երկարաձգվել էր անցած տարվա աշնանը։ Ավելի վաղ տեղեկացվել էր, որ այս շաբաթ ԵՄ երկրների հետ համաձայնեցված նոր պատժամիջոցները Սեւ ծովի իրադարձությունների պատճառով նույնպես կարող են ներառվել մարտի կեսին։
«ԵՄ երկրների դեսպանները համաձայնեցրել են այն անձանց հանդեպ սահմանափակիչ միջոցների երկարաձգման մասին որոշումը, ովքեր պատասխանատու են Ուկրաինայի տարածքային ամբողջականության համար»,- տեղեկացրել է աղբյուրը։
Նրա տվյալներով՝ ցուցակում կներառվեն եւս ութ ֆիզիկական անձանց անուններ։ Որոշումը դեռ պետք է հաստատվի ԵՄ Խորհրդի կողմից։
