News
Լրահոս
News
Երեքշաբթի
Մարտ 19
Տեսնել լրահոսը

Եվրոպական երիտասարդական պառլամենտի միջազգային գագաթաժողովը առաջին անգամ կանցկացվի Երեւանում` ՀՀ վարչապետի բարձր հովանու ներքո 2019 թվականի մարտի 9-17-ը Երեւանը կհյուրընկալի Եվրոպական երիտասարդական պառլամենտի 89-րդ միջազգային գագաթաժողովը՝ «Երեւան 2019»-ը՝ մայրաքաղաքում հավաքելով շուրջ 300 երիտասարդների Եվրոպայի 40 երկրներից։ «Երեւան 2019»-ը մինչ այսօր Հայաստանում կազմակերպված ամենամեծ միջազգային երիտասարդական կոնֆերանսն է լինելու, որի շրջանակներում երիտասարդ առաջնորդները հանդիպումներ են ունենալու ՀՀ վարչապետ Նիկոլ Փաշինյանի, ԵՄ երկրների դեսպաննների եւ այլ բարձրաստիճան պաշտոնյաների հետ։

«Անչափ ուրախ ենք, որ Եվրոպական երիտասարդական պառլամենտի 89-րդ գագաթաժողովը առաջին անգամ անցկացվելու է Երեւանում։ Սա հիանալի հնարավորություն է Եվրոպայի երիտասարդության համար՝ Հայաստանին ծանոթանալու եւ այստեղի երիտասարդության հետ ամուր կապեր հիմնելու», -Եվրոպական երիտասարդական պառլամենտի գործադիր տնօրեն Լուկաս Ֆենդել։

Գագաթաժողովի խորագիրն է՝ «Հաղթահարելով գլոբալ մարտահրավերները միասին», որի շուրջ Հայաստան ժամանած Եվրոպայի առաջադեմ կրթական հաստատությունների ուսանողները քննարկումներ կանցկացնեն համապատասխան հանձնաժողովներում։

Քննարկումների փուլից հետո մասնակիցների առաջարկած բանաձեւերը կներկայացվեն Եվրոպական երիտասարդական պառլամենտի՝ Բեռլինում գտնվող գրասենյակ, ինչպես նաեւ համապատասխան պետական եւ մասնավոր մարմինների:

Քննարկումներին մասնակցելուց բացի, հյուրերը կծանոթանան հայկական մշակույթին ու պատմական ժառանգությանը, ինչպես նաեւ հայաստանցի պատվիրակների հետ փորձի փոխանակման միջոցով փոխադարձ կերպով կզարգացնեն միջմշակութային հաղորդակցության իրենց հմտությունները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ-ն՝ Ռուսաստանում ընտրությունների մասին. քվեարկությունը «ազատ և արդար չէր»
Ռուսական իշխանությունները շարունակում են ուժեղացնել համակարգված ներքին ռեպրեսիաները...
Եվրահանձնակատարը հայտնել է, որ հակամարտությունն Ուկրաինայում փոխել է ԵՄ տնտեսական պատկերը
Հակամարտությունն Ուկրաինայում փոխել է պատկերը...
Ես ամաչում եմ այս մարդու վարքագծի համար. Մարուքյանը՝ Շառլ Միշելի մասին
Ես ուրախ եմ մի բանի համար, այս կեղծավորի պաշտոնավարման ժամկետը լրանում է...
Եվրահանձնաժողովը 500 միլիոն եվրո է հատկացրել զինամթերքի արտադրության համար
Բացի այդ, Եվրահանձնաժողովը սկսել է «աշխատանքային ծրագիր՝ միասնական գնումների միջոցով եվրոպական...
ԵՄ-ի հետ վիզային ռեժիմի դյուրացման հարցում զգալի հետընթաց է գրանցվել. Փոխարտգործնախարար
Նրա խոսքով, այս ուղղությամբ աշխատանքներ են տարվել բոլոր մակարդակներով։ Սակայն չի կարելի ասել, որ առաջընթաց է գրանցվել...
ՀՅԴ Հայ դատի Եվրոպայի գրասենյակի մեկնաբանությունը՝ Եվրոպական խորհրդարանի վերջին բանաձևի առթիվ
Եվրոպական խորհրդարանը 2024թ․ մարտի 13-ին ընդունել է «Եվրոպական միության և Հայաստանի միջև կապերի սերտացման և Ադրբեջանի ու Հայաստանի միջև...
Ամենաշատ