Հայաստանում սոցիալ-տնտեսակա իրավիճակը քաղաքացիներին թույլ չի տալիս բնական արտադրանք գնել: Փետրվարի 21-ին «Կաթնամթերքի հայկական շուկայում առկա խնդիրների բացահայտումը եւ դրանց լուծման ուղիները» քննարկման ժամանակ այս մասին ասաց ՀՀ ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար Դավիթ Պիպոյանը:
Նրա խոսքով՝ հարկավոր է կաթնամթերքի մակնշման ե որակի բարձրացման ուղղությամբ աշխատանք տանել, սակայն սպառողները հաճախ գիտակցաբար ցածրորակ կաթնամթերք են գնում, քանի որ չեն կարող իրենց թույլ տալ որակյալ, բայց թանկ արտադրանք գնել:
«Պետք է հասկանալ, որ ապրանքի արտադրությունը եւ ներկրումը պահանջարկի համաձայն է կատարվում: Ընդ որում ներկրվող արտադրանքի որակը հիմնականում ավելի բարձր է: Սակայն մենք լռում ենք տեղական արտադրողներին չվնասելու համար», - ասաց Պիպոյանը: