Ես որեւէ բան անգիր չեմ սիրում հիշել ու ինձ համար տարօրինակ է, որ այդ ամբողջ միջոցառման մեջ թերթից կարդալը որեւէ խնդիր է առաջացրել: Ես էլի եմ կրկնում, կան մարդիկ, որոնք անգիր չեն սիրում ասել կամ չեն հիշում: Այս մասին այսօր՝ փետրվարի 21-ին, լրագրողների հետ զրույցում ասաց ԿԳ նախարար Արայիկ Հարությունյանը՝ անդրադառնալով Թումանյանի 150-ամյակին բանաստեղծությունը թղթից կարդալուն:

Նա նշեց, որ ինքն ունի ռուսական կրթություն եւ իր բացասական փորձառությունից ելնելով՝ պայքարում է ազգային դպրոցի եւ հայալեզու կրթության համար. «Մեր դպրոցում շատ վատ է դասավանդվել հայ գրականությունը եւ հայոց լեզուն եւ դրա համար եմ հիմա հայալեզու դպրոցների համար եմ պայքարում, որպեսզի անգիր ասելուց մեր աշակերտները եւ մեր ապագա քաղաքացիները խնդիրներ չունենան»:

Հիշեցնենք, որ փետրվարի 19-ին Հովհաննես Թումանյանի ծննդյան 150-ամյակի միջոցառման ընթացքում ԿԳ նախարար Արայիկ Հարությունյանը թղթից է կարդացել մեծանուն բանաստեղծի հայտնի քառյակներից մեկը:

Արայիկ Հարությունյանը թղթից է կարդում Թումանյանի ամենահայտնի քառյակներից մեկը