ԱՄՆ-ը չի թուլացնի Հյուսիսային Կորեայի դեմ պատժամիջոցները, քանի դեռ վստահ չէ, որ Փխենյանի կողմից միջուկային զենքի սպառնալիքը «էականորեն նվազել է»՝ հայտարարել է ԱՄՆ պետքարտուղար Մայք Պոմպեոն։
NBC-ին տված հարցազրույցում Պոմպեոն հույս է հայտնել, թե հյուսիսկորեացի նախագահ Կիմ Չեն Ընը նախագահ Դոնալդ Թրամփի հետ Վիետնամում հանդիպումից հետո կկատարի միջուկային զենքից հրաժարվելու իր խոստումները։
Պոմպեոն նշել է, որ չի ուզում մանրամասնել, թե ինչ է երկու կողմերից յուրաքանչյուրը պատրաստ առաջարկել բանակցություններում առաջընթացի հասնելու համար։