Թուրքիայի իշխանությունները 295 զինվորականի կալանելու օրդեր են տվել, հայտնում է Reuters-ը՝ վկայակոչելով Թուրքիայի դատախազությանը: Կալանավորումները կապված են արմատական իսլամի քարոզիչ Ֆեթհուլահ Գյուլենի շարժման հետ կապերի կասկածանքի հետ, ում Անկարան համարում է 2016 թվականի հուլիսի հեղաշրջման փորձի կազմակերպիչը:
Կասկածյալների թվում են 3 գնդապետ, 8 մայոր եւ 10 լեյտենանտ:
Նշենք, որ հեղաշրջման փորձի պահից սկսած Թուրքիայում վհուկների որս է սկսվել: Գյուլենի հետ կապ ունենալու պատրվակով կալանավորվել է ավելի քան 70 հազար մարդ, աշխատանքից հեռացվել է 150 հազար պետծառայող:
