News
Լրահոս
News
Երեքշաբթի
Մարտ 19
Տեսնել լրահոսը


Հայաստանում մեկ տարում ինքնասպանության փորձերի թիվն ավելացել է 20 տոկոսով։ Այս մասին փետրվարի 22-ին լրագրողների հետ հանդիպմանն ասել է Հայաստանի ԱԻՆ Փրկարար ծառայության կապիտան Տիգրան Սարգսյանը։

Նրա խոսքով՝ 2018-ին կատարվել է ինքնասպանության 500 փորձ, որոնցից 108-ը՝ մահացու ելքով։ «Ինքնասպանություն են կատարել հիմնականում 40-60 տարեկան տղամարդիկ։ Ինքնասպանության փորձերը, որոնք տխուր հետեւանքներ են ունեցել, կատարվում են հիմնականում կախվելու միջոցով»,- նշել է նա։

Սարգսյանը ճշգրտել է, որ ինքնասպանության ավելի շատ փորձեր գրանցվել են Երեւանում, Շիրակի եւ Լոռու մարզերում։ «Ինքնասպանություն գործելու հակում ունեցող մարդկանց մոտ սովորաբար նկատվում է վարքագծի կտրուկ փոփոխություն։ Ուրախ մարդը կարող է ընկնել դեպրեսիայի մեջ կամ հակառակը։ Բացի այդ, մարդու մոտ կարող է նկատվել տխուր երաժշտություն լսելու ցանկություն, կարող է աճել հետաքրքրությունը ինքնասպանության մեթոդների հանդեպ։ Այս բոլոր նշանները պետք է հաշվի առնվեն համալիր։ 80 տոկոս դեպքերում մարդու վարքագծի փոփոխություն նկատվում է, պետք է պարզապես ուշադիր լինել»,- պարզաբանել է նա։

Տիգրան Սարգսյան ավելացրել է, որ, այնուամենայնիվ, Հայաստանը լավ ցուցանիշ ունի ինչպես տարածաշրջանի, այնպես էլ աշխարհի երկրների համեմատ։ «Հայաստանը աշխարհում 150-րդն է 100 հազար մարդուց ինքնասպանության 6-7 փորձով։ Տարածաշրջանում առաջատարն այս ցուցանիշով Ադրբեջանն է։ Հաջորդում են Իրանը եւ Հայաստանը։ Ամենացածր ցուցանիշն ունի Վրաստանը»,- ասել է նա։

ԱԻՆ ներկայացուցիչը նկատել է, որ ինքնասպանությունների թվի ավելացումից խուսափելու համար լրատվամիջոցները պետք է նման տեղեկությունը լուսաբանեն կոռեկտ՝ հետեւելով էթիկայի նորմերին, չխորանալով մանրամասների մեջ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եղբայրներով ծեծել են տաքսու վարորդին, վնասել մեքենան. Նրանցից մեկը դանակահարել է տաքսու կին ուղեւորին
Կենցաղային հարցերի շուրջ վիճաբանությունն ավարտվել էր դանակահարությամբ. կան ձերբակալվածներ...
Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել և կալանավորվել է. ՔԿ
ՀՀ քննչական կոմիտեի Սյունիքի մարզային քննչական վարչության Գորիսի քննչական…
Բերման ենթարկված հետախուզվողի մոտ ծալովի դանակ է հայտնաբերվել
ՆԳՆ ոստիկանության ՊԾ գնդի 4-րդ գումարտակի ծառայողները...
Աբովյանում երկու կողմից փակել են մեքենայի ճանապարհը, խմբով հարձակվել ու ծեծել վարորդին, կրակել նրա ուղղությամբ. ՔԿ
ՀՀ քննչական կոմիտեի Կոտայքի մարզային քննչական վարչությունում շարունակվում...
Քանաքեռավանի գազալցակայանում պայթյունի հանգամանքները պարզվում են քրվարույթի շրջանակում. ՔԿ-ն մանրամասնում է
2024 թվականի մարտի 16-ին՝ ժամը 19․10-ի սահմաններում, Կոտայքի մարզի Նոր...
Ֆրանսիայի Ինտերպոլի կողմից հետախուզվող Արտուշը հայտնաբերվել է «Զվարթնոց»-ում
ՆԳՆ ոստիկանության «Զվարթնոց» օդանավակայանի գծային բաժնի քրեական...
Ամենաշատ