ՔԿՀ-ներում բժշկական ծատայությունը չպետք է բանտի ղեկավարության ենթակայության տակ լինի: Այս մասին փետրվարի 22-ին խորհրդարանի Մարդու իրավունքների պաշտպանության եւ հանրային հարցերի մշտական հանձնաժողովի նիստի ժամանակ ասաց Հայաստանի արդարադատության նախարար Արտակ Զեյնալյանը։
Նրա խոսքով, կա կառավարության որոշում, ըստ որի քրեակատարողական հիմնարկներում բժշկական ծառայությունը կփոխանցվի արդարադատության նախարարության իրավասությանը:
«Պատրաստվել է բարեփոխումների մի մեծ փաթեթ: Այս համակարգում տեղերի շուրջ 30 տոկոսը թափուր է, եւ այն առանձնապես գրավիչ չէ մարդկանց, բուժաշխատողներին այնտեղ աշխատանքի տեղավորվելու համար: Ահա թե ինչու մեզ անհրաժեշտ է այստեղ բարձրացնել սոցիալական ապահովության մակարդակը, որպեսզի մենք կարողանանք բոլորին բժշկական անձնակազմով ապահովենք», - ավելացրեց Զեյնալյանը: