ՏՏ ոլորտի մասնագետներ չկան ոչ միայն Հայաստանում այլեւ ամբողջ աշխարհում եւ մեծ կորպորացիաները մասնագետների որս են սկսել ամբողջ աշխարհում: Այս մասին այսօր՝ փետրվարի 23-ին, «Իմ քայլը հանուն Լոռու մարզի» ներդրումային բիզնես ծրագրերի ֆորումի ժամանակ նշեց Հայաստանի ձեռնարկությունների ինկուբատոր հիմնադրամի ղեկավար Բագրատ Ենգիբարյանը:
Նրա խոսքով, այն երկիրը, որը կկարողանա ճիշտ դիրքավորվել, կստանա այդ ներդրումների մեծ կտորը. «Խոսքը ոչ միայն զարգացող երկրների մասին է, այլեւ զարգացած երկրների: Լավագույն մոդելներից մեկը մասնավոր-պետություն համագործակցության սկզբունքն է եւ «Ինժեներական քաղաքը» դրա վառ օրինակներից մեկն է: Պետք է ամեն տեղ խոսվի, որ Հայաստանը իօրոք այդ ներդրումների տեղն է, նաեւ պետք է գործիքներ առաջարկենք, որոնցից շատերն արդեն իրագործել ենք, որ պատրաստ ենք նաեւ համապատասխան միջավայր ձեւավորել տարբեր խնդիրներ լուծելու համար»,-ընդգծեց Ենգիբարյանը:
