Հայկական բանտերում հետհեղափոխական շրջանում կալանվածների թիվը կազմել է 2266 մարդ, ինչը զգալիորեն քիչ է, քան հետհեղափոխական Վրաստանում։ Այս մասին փետրվարի 25-ին մամուլի ասուլիսում, ամփոփելով Թբիլիսիում Վրաստանի արդարադատության համակարգի բարեփոխումներին նվիրված՝ փետրվարի 15-17-ին անցկացված սեմինարի արդյունքները, ասել է «Իմ քայլը» խմբակցության պատգամավոր Թագուհի Ղազարյանը։
Ղազարյանի կարծիքով՝ անհրաժեշտ է մշակել հստակ մեխանիզմներ Հայաստանում բանտարկյալների աշխատանքով զբաղվածության հարցը լուծելու համար։
«Այս պահին աշխատանքի տեղավորման հարցը Վրաստանի քրեակատարողական հիմնարկներում արդեն լուծված է, եւ ես կցանկանայի դա փոխ առնել նրանցից»,- ասել է պատգամավորը։
Նա նշել է, որ սեմինարի ժամանակ շոշափվել է ներման ինստիտուտի թեման։ Ղազարյանը նաեւ տեղեկացրել է, որ վրացի փորձագետները խորհուրդ են տվել փոխ առնել իրենց մոդելը եւ չթողնել ներման ինստիտուտը գործադիր իշխանությանը՝ այն հանձնելով նախագահին։
