Մեր Զինված ուժերը պետք է լինեն առողջների զինված ուժեր. մեր զինված ուժերը հաղթանակներ կրած ուժեր են, եւ մենք չպետք է առաջ գնալուց կանգնենք, իսկ առաջ գնալու համար մեզ պետք են առողջ զինծառայողներ: Այս մասին հանրային հեռուստաընկերության եթերում հայտարարել է ՀՀ պաշտպանության նախարար Դավիթ Տոնոյանը:
«Մեր բարձրագույն սպայական կազմը գնալու է հաղթանակների այդ երիտասարդների հետ միասին: Նրանք այլեւս երեխաներ չեն, զինծառայողներ են, որոնք մեզ հետ կերտելու են նոր հաղթանակներ»,-ասաց նա:
Դիտարկմանը, որ կան դժգոհություններ, որ հիվանդ երիտասարդներին նույնպես զորակոչում են բանակ, նախարարն արձագանքեց. «Սահմանափակումներ ունեցողներ են, հիվանդներ չեն: Հիմա աշխատանք է տարվում, որ նոր մոտեցում ցուցաբերվի: Այսինքն իրենց ծառայությունը կազմակերպվի հեշտացված կարգով, խիստ լինենք այդ հարցում: Բայց մարտական խնդիրները կատարելու են առողջները»: