ԱՄՆ-ի Նեբրասկա նահանգի իշխանությունները ծանուցագրով ավելի քան 400 կաթոլիկ եկեղեցիներից անչափահասների նկատմամբ կիրառված սեռական ոտնձգությունների մասին տվյալներ են պահանջել: Այս մասին ասվում է նահանգի գլխավոր դատախազ Դուգա Պետերսոնի կայքում հրապարակված հաղորդագրությունում:
«Այսօր Նեբրասկայի արդարադատության դեպարտամենտը, աշխատելով մի շարք իրավապահ մարմինների հետ, նահանգի տարածքում գործող ավելի քան 400 կաթոլիկ եկեղեցիներ եւ կառույցներ ծանուցագրեր է ուղարկել: Ծանուցագրերով պահանջվում է տեղեկատվություն տրամադրել երեխաների նկատմամբ բռնությունների եւ սեռական ոտնձգությունների բոլոր դեպքերի վերաբերյալ, որոնք կատարվել են եկեղեցու կամ կառույցի հետ կապված անձանց կողմից՝ անկախ նրանից այդ մասին նախկինում հաղորդվել է, թե ոչ», - ասվում է հաղորդագրությունում: