News
Լրահոս
News
Կիրակի
Հուլիս 05
USD
483.84
EUR
543.3
RUB
6.81
ME-USD
0.02
Տեսնել լրահոսը


Հայաստանը հավատարիմ է մնում ղարաբաղյան հակամարտության բացառապես խաղաղ կարգավորմանը՝ տարածաշրջանում ստեղծված իրողությունների հաշվառմամբ եւ միջազգային իրավունքի հիմնարար սկզբունքների հիման վրա։ Այս մասին ասել է Հայաստանի Ազգային ժողովի նախագահ Արարատ Միրզոյանը՝ հանդես գալով ռուս սենատորների առջեւ։

Իր ելույթում Միրզոյանը մասնավորապես նշել է. «Վերոնշյալ մարդասիրական բաղադրիչը էլ ավելի հրատապ է դառնում մանավանդ այն օրերին, երբ ողջ աշխարհի հայերը հիշում են սումգաիթյան չարաբաստիկ ջարդի զոհերին, որը տեղի ունեցավ ավելի քան երեսուն տարի առաջ եւ դարձավ հայերի դեմ ուղղված ջարդերի մեկնակետը՝ սկիզբ դնելով լայնածավալ էթնիկ զտումների քաղաքականությանը։ Դա հանգեցրեց Բաքվից, Սումգաիթից, Կիրովաբադից եւ այլ քաղաքներից հայ բնակչության հեռանալուն։

Հարգելի գործընկերներ, ցանկանում եմ հատկապես ընդգծել, որ Հայաստանը հավատարիմ է մնում ղարաբաղյան հակամարտության խաղաղ կարգավորմանը՝ հաշվի առնելով տարածաշրջանում ստեղծված իրողությունները, եւ միջազգային իրավունքի հիմնարար սկզբունքների, մասնավորապես՝ ժողովուրդների ինքնորոշման իրավունքի հիման վրա, ԵԱՀԿ Մինսկի խմբի համանախագահության շրջանակում, որը միակ ձեւաչափն է, որ միջազգային հանրույթի լեգիտիմ մանդատն ունի։ Այս համատեքստում կցանկանայի ընդգծել, որ մենք բարձր ենք գնահատում Ռուսաստանի Դաշնության դերը որպես Մինսկի խմբի համանախագահող երկիր։

Թանկագին գործընկերներ,  ստիպված եմ ցավով փաստել, որ, չնայած մեր երկրների միջեւ դաշնակցային փոխգործակցության բարձր մակարդակին, ինչպես նաեւ ռուսական կողմի հետեւողական ջանքերին՝ ուղղված ղարաբաղյան հակամարտության խաղաղ լուծմանը, մեր որոշ ռուս գործընկերներ տառացիորեն երեկ դարձել են վառ արտահայտված հակահայկական ակցիայի մասնակիցներ, որն անցկացվել է Բաքվում եւ ուղղված էր տարածաշրջանում կայուն խաղաղության եւ կայունության խափանմանը։ Ավելին, արդարացի տարակուսանք է առաջացնում այդ միջոցառմանը ռուս-հայկական միջխորհրդարանական հանձնաժողովի անդամների մասնակցությունը»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱԺ նախագահ Արարատ Միրզոյանը հեռախոսազրույց է ունեցել ՌԴ ԴԺ Պետական դումայի նախագահ Վյաչեսլավ Վոլոդինի հետ
Ազգային ժողովի նախագահը շնորհավորել է Վյաչեսլավ Վոլոդինին հանրաքվեի անցկացման և արդյունքների կապակցությամբ…
Արարատ Միրզոյանը հեռախոսազրույց է ունեցել Վալենտինա Մատվիենկոյի հետ
Զրուցակիցները խոսել են կորոնավիրուսային համաճարակով պայմանավորված իրավիճակի մասին, քննարկել երկուստեք հետաքրքրություն ներկայացնող մի շարք հարցեր...
Չեմ կարծում՝ ՀՀ-ում կլինի կամիկաձե իշխանություն, որը կմտածի հակառուսական տրամադրություններ գեներացնելու մասին.Ղազինյան
Փորձեր, իհարկե, արվում են, արվում են շանտաժի լեզվով, սպառնալիքների լեզվով խոսել Ռուսաստանի հետ, տալ եթեր ՌԴ-ում ինքնահռչակ ընդդիմության ղեկավարին…
Որոշ ուժերի կողմից փորձ է արվում տարածել հակառուսական տրամադրություններ. Միքայել Մելքումյան
Մի՞թե մոռանում ենք, որ Ռուսաստանի Դաշնությունը մեր ռազմավարական դաշնակիցն է, ամենամեծ առեւտրատնտեսական գործընկերը...
Նիկոլ Փաշինյանն ուղերձ է հղել Վլադիմիր Պուտինին
Այս իրադարձությունը, իհարկե, սկզբունքային նշանակություն ուներ Ռուսաստանի պետականության հետագա ամրապնդման…
ՌՀՄ-ն՝ պետական ​​հեռուստաալիքով Նավալնուն ցուցադրելու մասին. ՀՀՀ-ի հակահայկական էությունն ակնհայտ է
«Մեր կարծիքով՝ Հայաստանի ղեկավարությունը պետք է իր գնահատականը տա հարկատուների միջոցների հաշվին գոյություն ունեցող պետական ​​հեռուստաալիքով հայատյաց Նավալնու հայտնվելուն․․․
Ամենաշատ