«Սասնա ծռեր» խմբի 10 անդամների գործով դատական նիստը դարձյալ դռնփակ ռեժիմով քննելու որոշում կայացվեց, այս անգամ մինչեւ դատաքննության ավարտ: Նման որոշում այսօր՝ փետրվարի 27–ին կայացրեց Երեւանի ընդհանուր իրավասության դատարանի դատավոր Մեսրոպ Մակյանն՝ դատարանում այսօր տեղի ունեցած միջադեպից հետո:
Դատական կարգադիչների ծառայության ստորաբաժանման պետը դատարանին զեկուցագիր էր ներկայացրել ստեղծված իրավիճակի վերաբերյալ՝ նշելով, որ նախագահող դատավոր կողից ընդմիջում հայտարարելուց հետո մինչեւ այս պահը դահլիճում գտնվող անձինք չենք ենթակվում չաղմկելու եւ նիստի կարգը չխանգարելու վերաբերյալ կարգադրիչների օրիանակն պահանջներին։
Դատավորը հիշեցրեց, որ օրեր առաջ էլ էր որոշել գործը դռնփակ դատական կարգով անցկացնել, սակայն վերանայել էր որոշումը՝ պաշտպանության կողմի դիտարկումներից եւ միջնորդություններից հետո։
Դատավոր Մակյանի խոսքով, սակայն իրադարձությունները ցույց են տալիս, որ ներկաների վարքագիծը չի փոխվել։
«Դատարանը գտնում է, որ նման պայմաններում պետք է սահմանել այնպիսի ռեժիմ, որպեսզի գործի քննությունը իրականացվի համապատասխան քրեադատավարական օրենքով սահմանված ընթացակարգերի պահպանմամբ, դա դատարանի պարտկանությունն է: Ուստի դատրանը որոշում է գործի քննությունը դարձյալ իրականացել դռնփակ ռեժիմով, մինչեւ դատաքննության ավարտ, սակայն թույլատրել որպեսզի իրենց գործունեությունը շարունակեն իրականացնել լրատվամիջոցները, տեսանկարահանման, լուսանակարահանման միջոցով հեռարձակեն դատական նիստերը՝ այսպիսով բացառելով որոշ մարդկանց կողմից տարածվող այն լուրերը, թե իբր նշված գործընթացը դռնփակ ռեժիմով անցկացնելու հետ կապված իրականացվում է նրա համար, որպեսզի գործի քննությամբ օբյեկտիվ ճշմարտութունը չբացահայտվի հրապարակայնությունն ապահոված կլինի լրատվամիջոցների միջոցով: Կանխատեսելով նաեւ նրանց վարքագիծը եւ նկատի ունենալով այն հանգամանքը, որ դռնփակ ռեժիմով քննելու որոշումից հետո նրանք հրաժարվեցին դատական նիստերի դահլիճից հեռանալ, դատարանը գտնում է, որ նույն վարքագիծը պահպանվելու է, հետեւաբար որոշում է կայացնում հետաձգել գործի քննությունը»- ասաց Մեսրոպ Մակյանը։
Այսպիով այսօրվա դատական նիստը հետաձգվեց։
Հիշեցնենք, որ այսօր Շենգավիթի նախկին ոստիկանապետի հարցաքննության ժամանակ միջադեպ էր տեղի ունեցել:
