News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը


«Սասնա ծռեր» խմբի 10 անդամների գործով տուժող, Արաբկիրի նախկին ոստիկանապետ, ոստիկանության գնդապետ Հրաչյա Խոստեղյանը առարկում է «Սասնա ծռեր» խմբի անդամների համաներման դեմ։ Այս մասին այսօր՝ փետրվարի 27–ին Երևանի ընդհանուր իրավասության դատարանի Շենգավիթի նստավայրում հայտարարեց նա։ Նշենք, որ Խոստեղյանը ներկայումս զբաղեցնում է ոստիկանության Շենգավիթի բաժնի պետի պաշտոնը։

Ոստիկանության գնդապետը պատմեց, որ 2016թ. հուլիսի 17–ի առավոտյան հերթապահ մասից իրեն տեղյակ են պահել զինված խմբի կողմից ՊՊԾ գնդի վրա հարձակման մասին։

«Անմիջապես դուրս եմ եկել տանից և առավոտյան ժամը 6–ին Էրեբունու ոստիկանական բաժնի մոտ էի։ Ժամը 7 –ի կողմերը ոստիկանության զրահամեքենան շարժվեց դեպի ՊՊԾ գնդի տարածք և դիմացից կրակոցների ձայներ լսվեցին, արդյունքում աջ քունքային հատվածում բեկորային վնասվածք ստացա, ապա տեղափոխվեցի «Մուրացան» հիվանդանոց՝ բուժօգնության»,–պատմեց նա՝ նշելով, որ զրահամեքենայի դիմաց կանգնած խմբի անդամներից տեսել է միայն Մարտիրոս Հակոբյանին։

Տուժողը, պատասխանելով դատախազների հարցերին, հայտնեց, որ մինչև զրահամեքենայի շարժվելը, մի քանի կրակոց է արձակվել դեպի օդ, ՊՊԾ գնդից կոչեր են հնչել՝ զենքերը վայր դնելու և իրենց միանալու մասին։

Գործով պաշտպան Զարուհի Փոստանջյանի հարցին ի պատասխան, տուժողը նշեց, որ զրահամեքնենան անսպասելի է շարժվել ՊՊԾ գնդի տարածք։

Հարցին՝ իրեն տուժող համարու՞մ է, Խոստեղյանը պատասխանեց՝ այո։

Տուժողը նշեց, որ տեղյակ չէ, թե ով է իրեն վնասվածք պատճառել։

Հարցին՝  հանարավո՞ր է զրահամաքենայի պատճառով է իրեն այդ վնասվածքը պատճառվել, տուժողը պատասխանեց, որ չի կարող ասել, քանի որ բացի զրահամեքենայից, այնտեղ այլ մեքենա էլ է կանգնած եղել։

Ոստիկանության գնդապետը հայտարարեց, որ առարկում է «Սասնա ծռերի» համաներման դեմ, որևէ մեկի նկատմամբ բողոք և պահանջ չունի և չի ցանկանում հետագայում մասնակցել դատական նիստերին։

Հիշեցնենք, որ համաներման մասին օրենքի նախագծով նախատեսվում է պատժից ազատել ՊՊԾ գնդի տարածքում հանցագործություն կատարած, նրանց հանցակցած, այդ նպատակով հանցափորձ արած կամ հանցագործության նախապատրաստության մասնակից, հարակից տարածքներում դրանց հետ առնչություն ունեցող հանցագործություն կատարած «Սասնա ծռեր» խմբի այն անդամներին, որոնք չեն մեղադրվում սպանություն կատարելու համար, եւ եթե համաներման դեմ չեն առարկում պատանդառված, ֆիզիկական վնաս կրած տուժողները եւ նրանց իրավահաջորդները:

«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը։ 7 ամբաստանյալների նկատմամբ ընտրված խափանման միջոց կալանավորումը փոխվել է՝ պատգամավորների անձնական երաշխավորությամբ, իսկ Պավել Մանուկյանն ազատ է արձակվել 1 մլն դրամ գրավի դիմաց։

Տպել
Կարդացեք նաև
Ամբողջը
Բոլորը պետք է ճաղերի հետևում լինեին, ոչ թե ազատ ման գային. սպանված ոստիկանի այրին՝ Պավլիկ Մանուկյանին
Արդեն մեկ տարուց ավելի է ասում եմ, որ Արմեն Բիլյանը անհարկի գտնվում է կալանքի տակ...
Շատ վատ է, որ երկրով մեկ տարածում են, թե Նիկոլ Փաշինյանը մեզ ազատեց. Պավլիկ Մանուկյանը ցուցմունք տվեց
Նշենք, որ այսօր դատարանում ցուցմունք են տալիս գործով ամբաստանյալները...
Ասացին՝ հանուն հեղափոխության պիտի տամ թե՛ մեքենաս, թե՛ կյանքս, եթե ոչ՝ կոչնչացնեն ընտանիքս. «Սասնա ծռերի» գործով վկա
Խաչատուր Գիչյանը մեղադրվում է ՊՊԾ գնդի գրավման մասնակիցներին իր «Կռազ» մակնիշի մեքենան տրամադրելու համար...
Եթե իշխանությունները շարունակեն նախկինների սրիկա վարվելակերպը, էլի ես մնում եմ նույն ապստամբը. Պավլիկ Մանուկյան
Դուք պարզ տեսնում եք, որ Արմեն Բիլյանը այդ պատահական կրակոցի հեղինակը չէ…
«27 օր էնտեղ քեֆ եք արել, ինչու՞ չեք հիշում». սպանված ոստիկանի այրին՝ «Սասնա ծուռ» Արմեն Լամբարյանին
«Սասնա ծռեր» խմբի տասն անդամների գործով այսօրվա դատական նիստում հարցաքննվեց Արմեն Լամբարյանը...
Ընթանում է «Սասնա ծռերի» գործով դատական նիստը
«Սասնա Ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...