News
Լրահոս
News
Չորեքշաբթի
Հուլիս 17
USD
476.74
EUR
535.47
RUB
7.6
ME-USD
0.17
Տեսնել լրահոսը


«Սասնա ծռեր» խմբի 10 անդամների գործով այսօրվա դատական նիստում ցուցմունք տվեց գործով տուժող, ոստիկանության Շենգավիթի բաժնի նախկին պետ Արամ Հովհաննիսյանը։ Նշենք, որ Հովհաննիսյանը ներկայումս գտնվում է ոստիկանության կադրերի ռեզերվում։

Տուժողը պատմեց, որ 2016թ. հուլիսի 17–ի առավոտյան ահազանգ է ստացել, որ անհայտ անձինք հարձակվել են ՊՊԾ գնդի վրա, մեծ մեքենայով կոտրել են դարպասները և կրակոցներ են արձակում։

«Արագ հասել եմ դեպքի վայր, այնտեղ ծառայություն էր իրականացնում նաև Շենգավիթի բաժնի օպերատիվ խումբը։  Էրեբունու ոստիկանության բաժնի մոտ էինք կանգնած, ճանապարհը փակված էր ոստիկանական մեքենաներով, որոնք պետք է կանխեին քաղաքացիների մուտքը դեպի ՊՊԾ գունդ։ Տարբեր բաժինների ղեկավարներ կային, ընթացքում դեպի մեզ քայլելով մոտեցավ խմբի անդամներից մեկը, հետագայում իմացա, որ Մարտիրոս Հակոբյանն է։ Նա մոտեցավ, կրակոցներ արձակեց մեր ուղղությամբ՝ սպառնալով զենքը ցած դնել և միանալ իրենց»,–պատմեց տուժողը։

 Ոստիկանության նախկին պաշտոնյայի խոսքով՝ երբ ՊՊԾ գնդին տարածքին է մոտեցել ոստիկանության ներքին զորքերի զրահամեքենան, գնդի տարածքից կրակոցներ են արձակվել, սակայն թե կոնկրետ ո՞վ էր կրակում՝ չի կարող ասել։

 «Գոռացի աշխատողներին՝ հետ կանգնեք ճանապարհից, այդ պահին ցավ զգացի, ձեռքս տարա՝ տեսա արնահոսում եմ»,–պատմեց տուժողը։

Նա նշեց, որ իր հետ վնասվածքներ է ստացել նաև Արաբկիրի այն ժամանակվա ոստիկանապետ Հարություն Խոստեղյանը։ Ըստ տուժողի ցուցմունքի՝ միասին տեղափոխվել են «Մուրացանի» հիվանդանոց, որտեղ ինքը վիրահատության է ենթարկվել։ Նշենք, որ Հովհաննիսյանի հարցաքննությունն ընդհատվեց՝ դահլիճում սկսված միջադեպով պայմանավորված։

Հիշեցնենք, որ «Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը։ 7 ամբաստանյալների նկատմամբ ընտրված խափանման միջոց կալանավորումը փոխվել է՝ պատգամավորների անձնական երաշխավորությամբ, իսկ Պավել Մանուկյանն ազատ է արձակվել 1 մլն դրամ գրավի դիմաց։

Տպել
Կարդացեք նաև
Ամբողջը
Արմեն Բիլյանը Փաշինյանին մեղադրում էր Մարտի 1-ի կազմակերպման մեջ, դրա համար է նա կալանքի տակ պահվում. Փոստանջյան
Մենք տեսել ենք, որ գործադիր իշխանությունը կարող է միջամտել դատական իշխանության գործունեությանը...
Զարուհի Փոստանջյանը միջնորդեց կալանքից ազատել «Սասնա ծռեր» խմբի անդամ Արմեն Բիլյանին
Առաջին փուլի՝ նախաքննության համար նախատեսվում է մեկ տարի ողջամիտ ժամկետ, սակայն իմ պաշտպանյալը երեք տարի է գտնվում է կալանքի տակ...
«Սասնա ծռեր» խմբից Մխիթար Ավետիսյանին վիրահատել են. նրա նկատմամբ փորձաքննություն կնշանակվի
Մեղադրող դատախազ Պետրոս Պետրոսյանը, հաշվի առնելով գործի՝ ողջամիտ ժամկետներում քննելու անհրաժեշտությունը, միջնորդեց դատարանին Մխիթար…
Ընթանում է «Սասնա ծռեր» խմբի 10 անդամների գործով դատական նիստը
«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...
Փաշինյանի իշխանության ձեռքին կան Բիլյանին եւ Բարսեղյանին կալանքից ազատելու իրավաչափ հնարավորություններ. «Սասնա ծռեր»
Շատ ցավալի էր, որ Նիկոլ Փաշինյանը ռազմագերի ապստամբներին անհապաղ ազատելու փոխարեն նրանց հանձնեց տասնամյակներ շարունակ ռեժիմի գործիքի վերածված դատաիրավական համակարգի հայեցողությանը...
«Էդ «Ձեզ»–ը պիտի վաստակեք իմ կողմից». Պավել Մանուկյանը 15 ժամով հեռացվեց նիստերի դահլիճից
Պավել Մանուկյանը բարձր տոնայնությամբ, հանդիմանական տոնով վկային հարցեր է ուղղում՝ այդ կերպ ճնշելով նրան...