Գլազգոյի (Մեծ Բրիտանիա) Քվինս այգու լճում հայտնվել են հսկայական պլաստիկե բադեր, որոնց նպատակն է մարդկանց հետ պահել թռչուններին հացով կերակրելու գայթակղությունից, տեղեկացնում է Press Association-ը։
«Սարքովի» թռչունների վրա կա «Խնդրում ենք, մեզ հացով մի կերակրեք» մակագրություն։
Ինչպես նշում են այգու աշխատակիցները, բանն այն է, որ հացը կարող է թռչունների առողջական խնդիրների առաջացման պատճառ դառնալ, քանի որ կփչացնի ջրի որակն ու մակաբույծներ կառաջացնի։
Բացի այդ, այգում տեղադրվել են նշաններ, որոնք այցելուներին նախազգուշացնում են թռչուններին չիփսով, բրնձով, սպիտակ հացով չկերակրելու մասին, որոնք այնքան էլ սննդարար չեն թեւավորների համար եւ անգամ կարող են հիվանդություններ առաջացնել։