Հայաստանը շատ լավ բանակ ունի. հայկական եւ ղարաբաղյան բանակները խորհրդային բանակի արտատիպն են ՝ իր բոլոր լավ ավանդույթներով։ Այս մասին «Գոլոս Ռոսիի» ռադիոկայանի «Էքսպերտիզա» ծրագրին տված հարցազրույցում ասել է Ռուսաստանի պաշտպանության նախարարությանը կից հանրային խորհրդի անդամ, «Ազգային պաշտպանություն» ամսագրի գլխավոր Իգոր Կորոտչենկոն՝ պատասխանելով այն հարցին, թե նախկին ԽՍՀՄ երկրներից որո՞նց բանակներն են մարտունակ։
Նրա խոսքով, արբեջանական բանակը Հայաստանին զիջում է բարոյապես եւ մարտական որակներով, սակայն տեխնիկապես ավելի լավ է զինված։
Ինչ վերաբերում է հակամարտության ռազմական լուծման հնարավորությանը, ապա, նրա խոսքով, այդ սցենարը հնարավոր է, սակայն զինված հակամարտությունը «պետք չէ ո՛չ Թուրքիային, ո՛չ ՆԱՏՕ-ին, ո՛չ Ռուսաստանին, ո՛չ ԱՄՆ-ին»։ «Հայ-ադրբեջանական նոր պատերազմ պետք չէ»,- ասել է փորձագետը։
