Mercedes-Benz ընկերությունը ներկայացրել է V12 շարժիչով նոր Mercedes-AMG S-Class մեքենան։ S 65 հատուկ թողարկումը՝ Final Edition անունով, ստացել է ստանդարտ սարքավորումների ընդլայնված ցուցակ եւ սահմանափակ քանակություն՝ 130 նմուշ, տեղեկացնում է Motor-ը։

Mercedes-AMG S 65 Final Edition սեդանը առաջարկվում է բացառիկ Obsidian Black սեւ գույնով՝ դեկորի համակցությամբ, եւ «անփայլ բրոնզ» գույնի 20 դյույմանոց անիվներով։ Հատուկ թղարկման կերպարը համալրվում է AMG խորհրդանշանով՝ հետեւամասում, եւ գազի արտանետման խողովակների սեւ վերադիրներով։

S 65 Final Edition-ի սրահը սեւ կաշվից է՝ կոնտրաստային կարով, դեկորի տարրերը կատարված են ածխապլաստիկից՝ պղնձագույն նուրբ թելերով։ Կենտրոնական մասում տեղադրված է ցուցանակ՝ ավտոմեքենայի սերիայի եւ համարանիշի նշմամբ։

Mercedes-AMG S 65 Final Edition-ը ունի նաեւ փոփոխվող թափանցիկության աստիճան եւ ինֆրակարմիր ճառագայթում արտացոլող Magic Sky Control պանորամային տանիք, հետեւի անհատական նստելատեղերին տեղադրված են բաժակակալներ՝ ջերմաստիճանի ցուցիչով, ինչպես նաեւ մեքենայի ծածկոց՝ AMG S 65 Final Edition մակագրությամբ։

Սեդանի թափքում տեղադրված է 6,0 լիտրանոց V12 շարժիչ՝ երկու տուրբոտաքացուցիչով։ Շարժիչի հզորությունը կազմում է 630 ձիաուժ։ Տեղից պոկումը մինչեւ 100 մետր՝ 4,3 վայրկյան։ Առավելագույն արագությունը՝ 300 կիլոմետր ժամ։