Կանադայի քաղաքացի Մայքլ Կովրիգը 2017 թվականից խախտել է Չինաստանի օրենքները՝ գործելով որպես լրտես եւ զբաղվելով պետական գաղտնիք պարունակող տեղեկատվության գողությամբ, հաղորդում է «Սինխուան»՝ վկայակոչելով իշխանություններին:
Ավելի վաղ հաղորդվել էր, որ կանադացի նախկին դիվանագետը, որն այժմ համագործակցում է միջազգային ճգնաժամային խմբի հետ (ICG), Չինաստանում ազգային անվտանգության խաթարման կասկածանքով ձերբակալվել է:
2014–2016 թվականներին Մայքլ Կովրիգը Պեկինում Կանադայի փոխհյուպատոս է եղել, հետագայում Հոնկոնգում Կանադայի գլխավոր հյուպատոսարանում հյուպատոսի պաշտոն է զբաղեցրել: Նման կասկածանքով ձերբակալվել է նաեւ եւս մեկ կանադացի՝ գործարար Մայքլ Սփեյվորը:
ԶԼՄ-ները ենթադրել են, որ կանադացիների ձերբակալությունները կատարվել են որպես վրեժ՝ ԱՄՆ խնդրանքով Huawei ընկերության ֆինանսական տնօրեն Մեն Վանչժոուի կալանքի համար:
Գործակալությունը հայտնում է, որ Կովրիգը հաճախ է սովորական անձնագրով եւ բիզնես վիզայով Չինաստան ժամանել:
Հաղորդվում է, որ Սփեյվոր Մայքլ Փիթեր Տոդը եղել է Կովրիգի գլխավոր աղբյուրը, որը նրան անհրաժեշտ տեղեկատվություն է տրամադրել: Գործակալությունը հաղորդում է, որ նրանց գործը քննվի օրենքին համապատասխան, կասկածյալների իրավունքները կպահպանվեն, կապահովվի նաեւ հյուպատոսկան հասանելիությունը:
