«Զվարթնոց» օդանավակայանում ձերբակալված Իսրայելի քաղաքացի Մարի Աղաջանյանը մեղավոր է ճանաչվել խարդախության մեջ, սակայն ոստիկանության աչքի առաջ փախուստի է դիմել:
2017 թ. նոյեմբերին աղջիկը դատապարտվել է 26 ամիս ազատազրկման: Իսրայելական լրատվամիջոցների տվյալներով՝ նա խաբել է երկիր ժամանած ներգաղթյալներին:
«Jerusalem Post»-ը նշում է, որ նրա անհետացման մասին իմացել են միայն բանից հետո, երբ այդ գործի մասին KAN News հեռուստաալիքում վավերագրական ֆիլմ է ցուցադրվել: KAN-ի հետ հեռախոսային հարցազրույցում նա հայտնել է, որ արտասահմանյան անձնագիր է ունեցել եւ կարողացել է «փախչել անարդարությունից՝ աղջկա հետ լինելու համար»:
Ավելին՝ Աղաջանյանը կարողացել է գնալ Իսրայել եւ հանդիպել ծնողների հետ, որից հետո նորից մեկնել է եւ ոչ ոք նրան չի կագնեցրել:
Իսրայելական հրատարակությունը հաղորդում է, որ դեպքը խայտառակություն է դարձել Իսրայելի անվտանգության ուժերի համար:
Հոդվածում նաեւ նշվում է, որ Աղաջանյանը շահերի բախման մեղադրանքով 9 ամիս բանտարկված զբոսաշրջության նախկին նախարար եւ Կնեսեթի անդամ Ստաս Միսեժնիկովի գրասենյակում մենեջեր է աշխատել:
Հիշեցնենք, որ մարտի 4-ին ՀՀ ոստիկանությունը հայտնել էր «Զվարթնոց» օդանավակայանում Իսրայելի քաղաքացու ձերբակալման մասին: