Կիեւում հավաքվել են քրեական աշխարհի 47 հեղինակություններ, ինչպես նաեւ Դոնեցկի շրջանի ազդեցիկ «բիզնեսմեններ», սակայն այդ միջոցառումը դադարեցրել են երկրի Ռազմավարական հետաքննությունների վարչության աշխատակիցները։ Այս մասին հայտնել է Ուկրաինայի Ազգային ոստիկանության պետի տեղակալ Վյաչեսլավ Աբրոսկինը՝ հայտնում է Комментарии.UA-ն։
Նրա խոսքերով, տղամարդիկ հավաքվել են Ուկրաինայի «գողական համայնքի» նախկին ղեկավար, 2011թ․ մահացած «Մամեդի» հիշատակը հարգելու պատրվակով։
«Ռազմավարական հետաքննությունների վարչության աշխատակիցները միայն վերջին երկու ամիսների ընթացքում նյութեր են հավաքել 442 «օրենքով գողերի» վերաբերյալ, որոնք ազատության մեջ են եւ ապրում են ԱՊՀ տարածքում կամ Եվրոպայում, մասնավորապես՝ նրանցից 256-ի համար հատուկ ծառայություններն արգելել էին այցը Ուկրաինա»,- Աբրոսկինի խոսքերն է մեջբերել լրատվամիջոցը։
Նա նաեւ նշել է, թե չի լինի այնպիսի իրավիճակ, որ գողերն իրենց Ուկրաինայում ազատ զգան։
«Որտեղ հնարավոր լինի, այնտեղ նրանց կխփենք»,- ասել է նա։