Ֆրանսիական Bugatti ավտոընկերությունն իր 110 ամյակի կապակցությամբ ներկայացրել է La Voiture Noire մոդելը, որը աշխարհի ամենաթանկարժեք ավտոմեքենան է՝ հայտնում է ՌԻԱ Նովոստին՝ վկայակոչելով արտադրողի պաշտոնական էջը։
Հիպերավտոմեքենայի գինը կազմում է 11 միլիոն եվրո։ Ավտոմեքենան, որ թողարկվել է միակ օրինակով, արդեն գտել է իր գնորդին, սակայն նրա անունը չի հրապարակվում։
Նոր մոդելը 1936թ․ ընկերության հիմնադրի որդու՝ Ժան Բուգատիի կողմից ստեղծված Bugatti Type 57 SC Atlantic-ի ժամանակակից տարբերակն է։
«Մենք տուրք ենք մատուցում Ֆրանսիայի հին ավանդույթներին եւ Ժան Բուգատիի ստեղծագործությանը։ Միեւնույն ժամանակ, մենք հազվագյուտ տեխնոլոգիաները, գեղագիտությունը եւ անհավանական շքեղությունը փոխադրում ենք նոր ժամանակաշրջան»,- ասել է Bugatti-ի նախագահ Ստեֆան Վինկելմանը։