News
Լրահոս
News
Երկուշաբթի
Հունիս 17
Տեսնել լրահոսը

«168 ժամ» թերթը գրում է. «Ինչպես հայտնի է, մինչեւ ՀՀ վարչապետ Փաշինյանի բրյուսելյան այցը խոսվում էր այն մասին, որ Բրյուսելում Եվրամիության հետ միասին Հայաստանի վարչապետը հայտարարելու է, որ նախապատրաստվում է ներդրումային համաժողովի անցկացում՝ Հայաստան՝ արտասահմանյան, մասնավորապես՝ եվրոպական ներդրումներ ներգրավելու համար։

ՀՀ կառավարության ղեկավարի հույսն այն էր, որ Ներդրումային համաժողովի շնորհիվ, որը փաստացի դոնոր կոնֆերանսի թեթեւ տարբերակն է, հնարավոր այդ ֆինանսների մի մասը կգա մեր երկիր։ Ժամանակին ԵՄ-ն Վրաստանի ու Մոլդովայի համար  անցկացրել էր դոնոր կոնֆերանսներ՝ յուրաքանչյուր երկրի համար մոտ 1 միլիարդ եվրո արժողությամբ ներդրումային ծրագիր հաստատելով։ Սակայն Բրյուսելում՝ բուն բանակցությունների ժամանակ, այս հարցի վերջնական լուծման մասին չեն ազդարարել ո՛չ հայկական եւ ո՛չ էլ եվրոպական կողմերը։

«168 ժամին» հայտնի դարձավ, որ խնդիրը քննարկելուց հետո եվրոպացիների հորդորով այս գաղափարի իրականացումը սառեցվել է, քանի որ ակնհայտ է, որ այս ժամանակահատվածում Հայաստան եվրոպական ներդրումներ ներգրավելու նման նախաձեռնությունը պիտանի լինել չի կարող։

Ըստ էության սա հերթական ապացույցներից մեկն էր, որ ոչ միայն կոնկրետ օրակարգ եւ հարց Հայաստանի համար Եվրամիությունում չի լուծվել, այլեւ Նիկոլ Փաշինյանի՝ Բրյուսել այցը այնուհանդերձ այնքան ժամանակավրեպ էր ու ոչ օգտակար, որ անգամ նախապես քննարկվող գաղափարը այնտեղ որեւէ լուծում չի ստացել։ «168 ժամի» տեղեկություններով՝ եվրոպացիներն առաջարկել են այս հարցին անդրադառնալ ավելի ուշ, գուցե Եվրոպական խորհրդարանի ընտրություններից հետո, ԵՄ նոր ղեկավարության հետ։ ԵԽ ընտրությունները տեղի կունենան այս տարվա մայիսի 23-26-ը։

Ուշագրավ է, որ Բրյուսելում ՀՀ վարչապետի գտնվելու ժամանակահատվածում այնտեղ է եղել նաեւ Վրաստանի վարչապետը, որին շատ ավելի ջերմ ու բարձր մակարդակով ու գործնական օրակարգով եւ հստակ արդյունքներով են ընդունել, եւ այդ տարբերությունը նույն օրերին Հայաստանի ու Վրաստանի վարչապետների ընդունելության միջեւ աչք էր զարնել։

Չնայած այն հանգամանքին, որ վարչապետ Փաշինյանը Բրյուսել մեկնելիս հավակնում էր «հեղափոխական» օրակարգի եւ ժողովրդավարական իմիջի, սակայն, ցավոք, մեր բրյուսելյան դիվանագիտական աղբյուրները Վրաստանի վարչապետի  այցն ավելի արդյունավետ են գնահատում»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Հրապարակ». Գաղտնի պայմանավորվածություննե՞ր են ձեռք բերվել
Բանն այն է, որ ՔՊ-ում էլ խուլ դժգոհություն կա` ամիսներ շարունակ Փաշինյանը նրանց կերակրել է Եվրոպա գնալու...
Հայտնի է Փաշինյան-Բլինքեն-ֆոն դեր Լայեն հանդիպման ժամը
Այցի շրջանակում վարչապետ Փաշինյանը հանդիպում կունենա նաև ԱՄՆ Միջազգային զարգացման գործակալության...
ՀՀ իշխանությունը պետք է որոշի՝ ուզո՞ւմ է, թե ոչ ԵՄ մտնելու թեկնածու դառնալ. Նրանք չեն ձևակերպել այդ խնդրանքը. Դըկոտինյի
Հայաստանը թեքվել է դեպի Եվրոպա. Այդ մերձեցումն արդեն սկսվել է…
Սա պատմական օր է եվրոպական ընտանիքի համար. Արարատ Միրզոյանը շնորհավորել է Վրաստանին, Ուկրաինային և Մոլդովային
Դեկտեմբերի 14-ին Եվրոպական խորհուրդը որոշում է կայացրել Վրաստանին ԵՄ անդամակցության թեկնածուի...
«Դա մի ուղղություն է, որի հետ կապված ես շատ դրական տրամադրվածություն ունեմ». Ալեն Սիմոնյանը՝ եվրաինտեգրման մասին
Ոչ ոք չի կարող ժխտել, որ երբ, օրինակ, մեր գործընկերները աբսուրդի հասնող հայտարարություններ էին անում…..
Հայաստանում կա եվրաինտեգրման գաղափար, բայց կա նաև ոչ բլոկային պետություն դառնալու գաղափարը. Արմեն Գրիգորյան
Իսկապես, Հայաստանի ժողովրդավարությունը հաճախ թիրախավորվում է ու դրանից պաշտպանվելու համար անհրաժեշտ է...
Ամենաշատ