News
Լրահոս
News
Երկուշաբթի
Հունվար 30
USD
395.53
EUR
393.43
RUB
6.42
Տեսնել լրահոսը

Հարկային այս օրենսգիրքը, անգամ եթե փոփոխությունների ենթարկվի, գրվել է նախկին ժամանակների փիլիսոփայությամբ, նախկին ժամանակների շահերի բախման շրջանակներում: Այս մասին NEWS.am-ի հետ զրույցում նշեց Հայաստանի գործատուների միության նախագահ Գագիկ Մակարյանը:

Նրա խոսքով, ընդհանրապես հարկային օրենսգիրքը պետք է արմատական փոփոխությունների ենթարկվի, ոչ թե որոշ դրույթներ փոխվեն. «Հիմա Հարկային օրենսգրքի փոփոխությունների համատեքստում խոսվում է եկամտային հարկի համահարթեցման, գազավորված ըմպելիքների ակցիզային հարկ կիրառելու, տարեկան մինչեւ 24 մլն դրամ շրջանառություն ունեցող միկրոբիզնեսը հարկերից ազատելու մասին: Մինչդեռ մեզ պետք են այնպիսի հարկային փոփոխություններ, որոնք կխթանեն ներդրումների երկրում եւ կնպաստեն արտադրությունների զարգացմանը»:

Մակարյանը նշեց, որ Հայաստանում շատ լուրջ խնդիր է այն, որ անընդհատ օրենսդրությունը փոխվում է. «Մենք անընդհատ փոփոխում ենք օրենսդրությունը, կամ եթե այդ պահին չենք փոխում, միեւնույն է, փոփոխության տրամադրությունն իշխում է:

Ինչ վերաբերում է մինչեւ 24 մլն դրամի շրջանառությունը հարկերից ազատելուն, ապա մի կողմից նվազեցում է տեղի ունենում, մյուս կողմից ակցիզային հարկերի բարձրացումով ֆիսկալ խնդիրները լուծում են: Այսինքն այդ կորցրած գումարները փոխհատուցում են:

Համահարթ եկամտային հարկ սահմանելուց էլ օգտվելու են բարձր եկամուտ ունեցողները, որոնք 36 տոկոս հարկման դաշտից անցնում են 23 տոկոսի, որոնք աշխատուժի 1 տոկոսից էլ քիչ են: Հայաստանի աշխատուժի 65 տոկոսը մինչեւ 150 հազար դրամ է ստանում, իսկ եկամտային հարկի փոփոխությունը նրանց վրա, ըստ էության, դրական իմաստով չի ազդելու: Այսինքն այնպես չէ, որ պետությունն իր ֆիսկալ շահերը չի պաշտպանում, լավ էլ կարողանում է վարպետորեն պաշտպանել իր շահերը: Մի տեղ հայտարարում է, որ հրաժարվում է հարկերից, մյուս տեղում չի հայտարարում, որ ակցիզային հարկի բարձրացման պատճառով ինքը որքան լրացուցիչ եկամուտներ է ստանում»,-ընդգծեց տնտեսագետը:

Նա նկատեց, որ մեզ մոտ հարկային դիվերսիֆիկացիան ծանրաբեռնված է, որովհետեւ մի կողմից ունենք միկրոբիզնես, որը չի հարկվում, ունենք շրջանառության հարկով աշխատող եւ ավելացված արժեքի հարկով աշխատող բիզնեսներ, եւ նրանց միջեւ կապը շատ հաճախ չի խթանվում. «Պետք է օրենքները կանոնակարգեն խոշոր առեւտրային ցանցերի եւ փոքր բիզնեսի միջեւ համագործակցությունը, որ տարբեր հարկային համակարգերի պատճառով դժվարություններ չունենան: Կամ օրենսգիրքը պետք է գործարար միջավայրն այնպես խթանի, որ բիզնեսները հասունանան, ոչ թե միշտ մնան միկրո մակարդակում: Որ գործարարները չմտածեն՝ հանկարծ շեմը չանցնենք ու չհայտնվենք ավելի ծանր հարկման դաշտում: Հարկային օրենսդրությունը պետք է այնպիսին լինի, որ գործարարին ձեռնտու լինի ավելի մեծացնելու իր բիզնեսը: Դրա համար կարծում ենք, որ հարկային օրենսգիրքը դեռ պետք է արմատակական փոփոխության ենթարկվի: Հարկային այս օրենսգիրքը գրվել է նախկին ժամանակների փիլիսոփայությամբ, նախկին ժամանակների շահերի բախման շրջանակներում: Նաեւ այդ օրենսգիրքը նպատակ է ունեցել այնպիսի իրավիճակներ ստեղծել, որ կարողանան վերահսկել, շահերի բախման գործիքն օգտագործել: Հիմա Հարկային օրենսգիրքը պետք է իր մտածելակերպով ազատականացվի»,-իր խոսքն ամփոփեց Գագիկ Մակարյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բացահայտվել  է մաքսային կանոնների խախտման նոր դեպք. Փորձ է արվել ՀՀ ներմուծել չհայտարարագրված բնական մուշտակներ. ՊԵԿ
Մաքսային զննման արդյունքում պարզվել է, որ քաղաքացու ուղեբեռներում առկա է...
ՀՀ-ում արտաքին ցնցումներն առաջացրել են ներքին պահանջարկի, հետևաբար նաև տնտեսական աճի տատանումներ. «Լույս»
Այդ պայմաններում, տնտեսական աճին առավելապես նպաստել են «ոչ արտահանելի» ճյուղերը, որոնց աճը սովորաբար կայուն չէ, իսկ «արտահանելի» ճյուղերի աճը եղել է…
«Ժողովուրդ». Անշարժ գույքի շուկան պասիվացել է. ռուսները վարձակալում են Երևանից դուրս
Մեր երկրում բնակարանների վարձավճարները կրկնակի բարձր են: Silver Rea անշարժ գույքի գործակալության...
Տեղի է ունեցել հարկային պոտենցիալի գնահատմանը վերաբերող խորհրդակցություն
Խորհրդակցության սկզբում վարչապետ Փաշինյանը նշել է. «Ինչպես նախորդ տարեվերջին ենք պայմանավորվել, այս տարի ժամանակ առ ժամանակ...
Կասեցվել է հացի արտադրամասի արտադրական գործունեությունը
ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչները ստուգում են իրականացրել անհատ ձեռնարկատեր Աննա Գրիգորյանին…
Wizz Air-ը թռիչքներ կիրականացնի մի քանի նոր ուղղություններով. Դորտմունդ, Սոֆիա, Կատովիցե, Պրահա
Սոֆիա-Երևան-Սոֆիա երթուղով չվերթերը կիրականացվեն յուրաքանչյուր չորեքշաբթի և կիրակի...
Ամենաշատ