Արցախի Հանրապետության նախագահ Բակո Սահակյանը տիկնոջ՝ Անահիտ Սահակյանի հետ մարտի 11-ին Ստեփանակերտի օդանավակայանում դիմավորել է աշխատանքային այցով Արցախ ժամանած Հայաստանի Հանրապետության Վարչապետ Նիկոլ Փաշինյանին եւ նրա տիկնոջը՝ Աննա Հակոբյանին: ՀՀ ԱԱԾ տնօրեն Արթուր Վանեցյանն ավելի շուտ էր ժամանել Արցախ եւ Փաշինյանի ընտանիքին դիմավորողների մեջ էր:
Հայաստանի ԱԳՆ-ից էլ NEWS.am-ին նշեցին, որ Հայաստանի ԱԳ նախարար Զոհրաբ Մնացականյանը եւս մեկնելու է Արցախի Հանրապետություն՝ մասնակցելու Ազգային անվտանգության խորհրդի հերթական նիստին։
Ավելի վաղ NEWS.am-ը հայտնել էր, որ վաղը՝ մարտի 12-ին, Արցախ Հանրապետությունում կայանալում է ՀՀ Ազգային անվտանգության խորհրդի հերթական նիստին:
Ինչ վերաբերում է նիստի օրակարգին, ՀՀ կառավարությունից NEWS.am-ին հայտնել են, որ այդ մասին տեղեկությունները կտարածեն վաղը. «Այցի հետ կապված մանրամասների վերաբերյալ պատշաճ կծանուցվի»: